ЯҢАЛЫКЛАР

Татарстан Республикасы Президенты Рөстәм Миңнеханов видеоэлемтә режимында «2035 елга кадәр чорга фаразлап, төзелеш тармагын һәм ТКХны үстерү стратегиясе турында»гы мәсьәлә буенча РФ Дәүләт Советы Президиумы утырышында катнашты. Утырышны Россия Президенты Владимир Путин уздырды. Чарада шулай ук Россия Федерациясе Хөкүмәте Рәисе урынбасары Марат Хөснуллин, Россия Төзелеш һәм ТКХ министры Ирек Фәйзуллин, ил субъектлары җитәкчеләре катнашты.

Владимир Путин рәислегендә видеоконференция режимында Дәүләт Советы Президиумы утырышы уза, ул 2035 елга кадәрге чорга фараз белән, 2030 елга кадәр төзелеш тармагын һәм торак-коммуналь хуҗалыгын үстерү стратегиясенә багышланган. Утырыш барышында Россия Президенты торак-коммуналь хуҗалыкны модернизацияләү проблемаларын атады.

Татарстан Республикасы Тарифлар буенча дәүләт комитеты чираттагы Баланс комиссиясе утырышын уздырды.

Пассажирлар йөртү өлкәсендә эшләүче кече һәм урта бизнес вәкилләре 2022 елда кредит каникулларыннан файдалана алачак. Хөкүмәт рәисе Михаил Мишустин бу хактагы карарны имзалаган. Кабул ителгән карар пассажирлар йөртү өлкәсендә эшләүче предприятиеләрнең һәм оешмаларның финанс тотрыклылыгын тәэмин итүгә ярдәм итәчәк.

Татарстан Республикасы Тарифлар буенча дәүләт комитетының эшче төркеме җайга салынулы оешмаларның инвестицион программалары чаралары үтәлешен контрольдә тотуны дәвам итә.

Татарстанда булган коммуналь комплекс инфраструктурасы тиз арада ремонтка мохтаҗ. Республиканың Төзелеш, архитектура һәм торак-коммуналь хуҗалыгы министрлыгы мәгълүматларына караганда, су белән тәэмин итү һәм ташландык суларны агызу объектларының тузу дәрәҗәсе – 53%, җылылык белән тәэмин итү объектларыныкы – 51%. 

Татарстан Республикасы Тарифлар буенча дәүләт комитетының 25.05.2022 ел, № 69-8/т-2022 карары үз көченә керде, ул Татарстан Республикасы территориясендә даими рәвештә пассажирлар йөртү маршрутлары буенча автомобиль транспортында һәм шәһәр җир өсте электр транспортында пассажирлар һәм багаж алып баруга җайга салынулы тарифларны билгеләү тәртибенә үзгәрешләр кертә.

Россиядә халыкка сатыла торган газга бәяләр индексацияләнәчәк. Россия Монополиягә каршы федераль хезмәт карары нигезендә, газга күмәртәләп сату бәясе 3% артачак, газ бүлү челтәрләре буенча газ транспортлау хезмәтенә тариф 4% артачак.

Татарстан Республикасы Тарифлар буенча дәүләт комитетының эш төркеме җайга салынулы оешмаларның эшчәнлек программаларын үтәү барышын тикшереп торуны дәвам итә. Шушы көннәрдә Дәүләт комитеты хезмәткәрләре «Саба торак-коммуналь хуҗалыгы күптармаклы җитештерү предприятиесе» АҖ һәм «Саба районы торак-коммуналь хуҗалыгының Шәмәрдән күптармаклы җитештерү предприятиесе» ААҖ булдылар.

Татарстан Республикасы Тарифлар буенча дәүләт комитеты рәисе Александр Груничев Алабуга районына эшлекле сәфәр кылды. Дәүләт комитеты җитәкчесе Алабугада районның чистарту корылмаларын карады, Алабуга җылылык челтәрләре предприятиесендә булды, социаль газлаштыру программасын гамәлгә ашыруның барышы белән танышты.