ЯҢАЛЫКЛАР
2022 елның 26 гыйнварында ТР Тарифлар буенча дәүләт комитетында каты коммуналь калдыклар белән эш итү мәсьәләләренә багышланган беренче Штаб узды.
Тәҗрибә алмашу максатында, ТР Тарифлар буенча дәүләт комитеты хезмәткәрләре Мәскәү өлкәсенең Бәяләр һәм тарифлар комитетында булды. Мәскәү өлкәсендәге коллегалар каты коммуналь калдыклар белән эш итү өлкәсендә реформа узу тәҗрибәсе белән уртаклашты, закон чыгару инициативалары турында фикер алышты, каты көнкүреш калдыкларын эшкәртү, күмү һәм компостацияләү өчен яңа объектларның чыгымнарын эталонизацияләү мөмкинлекләрен карады.
ТР Тарифлар буенча дәүләт комитеты рәисенең беренче урынбасары Лариса Хәбибуллина, ТР Федераль антимонополия хезмәте җитәкчесе урынбасары Андрей Розенталь белән бергә, тарифларны җайга салу өлкәсендә тәҗрибә уртаклашу максатыннан, Калуга өлкәсенең Конкурентлык сәясәте министры Николай Владимиров һәм Монополиягә каршы федераль хезмәтнең Калуга өлкәсе буенча идарәсе җитәкчесе Дмитрий Каретин белән очрашты.
Россия Хөкүмәте хәбәр иткәнчә, торак-коммуналь хуҗалык дәүләт мәгълүмати системасы яңартылачак, ә аның функцияләре киңәйтеләчәк. Шулай итеп, торак-коммуналь хуҗалык турында мәгълүматларны исәпкә алуның бердәм цифрлы платформасын эшләтеп җибәрү планлаштырыла, шул исәптән, ул мобиль кушымта рәвешендә дә барлыкка киләчәк. Шулай ук әлеге система дәүләт хезмәтләре порталы һәм барлык төбәк һәм муниципаль ресурслар белән дә интеграцияләнә.
«Кодекс» төбәкара коммуникацияләр һәм консультацияләр үзәге «2022 елда электр челтәрләренә тоташтыру: яңа таләпләр, исәп-хисап һәм процедуралар» Бөтенроссия гамәли вебинарында катнашырга чакыра.
Татарстан Республикасы Министрлар Кабинетының 2022 елның 20 гыйнварындагы боерыгы нигезендә Лариса Хәбибуллина элеккеге рәис урынбасары вазыйфасыннан азат ителде һәм Татарстан Республикасы Тарифлар буенча дәүләт комитеты рәисенең беренче урынбасары итеп билгеләнде.
2022 елның 14 гыйнварында Мәскәү өлкәсенең Бәяләр һәм тарифлар комитеты Татарстан Республикасы Тарифлар буенча дәүләт комитеты коллегиясенең «Татарстан Республикасы Тарифлар буенча дәүләт комитеты эшчәнлегенең 2021 елга төп нәтиҗәләре һәм 2022 елга бурычлары турында» дигән темага багышланган йомгаклау утырышында катнашты.
Татарстан Республикасы Тарифлар буенча дәүләт комитеты Идарәсе Әлмәт шәһәре урта гомуми белем бирү мәктәбен «Альметьевск-Водоканал» АҖ салкын су белән тәэмин итү һәм ташландык суларны агызу челтәрләренә тоташтыруга түләүне раслады.
2022 елның 19 гыйнварында Татарстан Республикасы Тарифлар буенча дәүләт комитеты Идарәсе, җылылык белән тәэмин итүнең ачык системаларын кулланып, Зәй муниципаль районы һәм Чаллы шәһәре кулланучыларына һәм җылылык белән тәэмин итүче оешмаларга 2022 елга кайнар су тарифларын раслады.
Россия Федерациясе Хөкүмәтенең 2021 елның 23 ноябрендәге 2009 номерлы карары нигезендә су һәм агынты суларны транспортлауны гамәлгә ашыручы оешмаларны транзит оешмаларына кертү критерийлары расланды.