ТР Тарифлар буенча дәүләт комитеты коллегиясендә Мәскәү өлкәсе тәҗрибәсе үрнәгендә тарифларны җайга салуны цифрлы трансформация белән бәйләп карадылар
2022 елның 14 гыйнварында Мәскәү өлкәсенең Бәяләр һәм тарифлар комитеты Татарстан Республикасы Тарифлар буенча дәүләт комитеты коллегиясенең «Татарстан Республикасы Тарифлар буенча дәүләт комитеты эшчәнлегенең 2021 елга төп нәтиҗәләре һәм 2022 елга бурычлары турында» дигән темага багышланган йомгаклау утырышында катнашты.
Үз чыгышы кысаларында Комитет Мәскәү өлкәсендә тарифларны җайга салуны цифрлы трансформацияләү белән бәйләү процессы турында доклад тәкъдим итте, аның нәтиҗәләрен 2021 елда Федераль антимонополия хезмәте югары бәяләгән һәм алар «Ак китап»ка кертелгән.
«Цифрлаштыру Мәскәү өлкәсендә тарифларны җайга салу процессын үзгәртергә мөмкинлек бирде. Кулланучыларга тарифның ничек формалашуы һәм аларның акчалары нәрсәгә тотылачагы аңлашыла. Җайга салына торган оешмаларга хәзер безнең белән хезмәттәшлек итү җиңелрәк һәм тулаем алганда, әлеге процесс аңлаешлы. Мәскәү өлкәсе Хөкүмәте эш өчен сыйфатлы аналитика, үлчәмле һәм идарә итеп була торган тариф сәясәтен үткәрү мөмкинлеге алды. Цифрлаштыру безнең төп принципны тормышка ашырырга ярдәм итте. Ул халык һәм эшкуарлык мәнфәгатьләре балансын саклауда чагылыш таба. Бер яктан, хезмәт күрсәтүнең кулай булуы, ә икенче яктан, аның зыян китермәве отышлы», – дип сөйләде үзенең сәламләү сүзендә Тарифлар буенча комитет рәисе Ирина Доркина.
Фото https://fas.gov.ru