Татарстанда торак-коммуналь хуҗалык һәм тарифлар мәсьәләләре буенча мөрәҗәгатьләрне кая җибәрергә
Татарстан Республикасында яшәүчеләр еш кына мондый сорау бирәләр: коммуналь хезмәтләр өчен түләүдә яисә тарифларда проблемалар килеп чыкса, кайсы органга мөрәҗәгать итәргә?
Мөрәҗәгатьләрнең ничек дөрес бүленүе турында исегезгә төшерәбез
ТР Тарифлар буенча дәүләт комитеты
Түбәндәге мәсьәләләр буенча мөрәҗәгатьләр кабул итә:
- бәяләрне һәм тарифларны дәүләт тарафыннан җайга салу;
- тарифларны дөрес куллану (электр энергиясе, җылылык, газ, су, ККК);
- инженерлык челтәрләренә тоташкан өчен түләүләр;
- торак-коммуналь хуҗалык өлкәсендә бәя кую мониторингы;
- җайга салына торган тарифларны һәм аларны исәпләү методологиясен арттыру;
- гражданнар түләвен үзгәртүнең чик индексларын үтәмәү.
ТР Дәүләт торак инспекциясе
Түбәндәге мәсьәләләр буенча мөрәҗәгатьләрне карый:
- торак йортларны карап тоту һәм ремонтлау кагыйдәләрен бозу очраклары;
- коммуналь хезмәтләрне сыйфатсыз күрсәтү;
- ИК, ТМШ, ТТК гамәлләре;
- торак һәм хезмәт күрсәтү өчен түләүләрне исәпләү;
- капиталь ремонт вакытында хокук бозулар;
- хезмәтләрдән файдалану нормативларын үтәмәү.
Кая мөрәҗәгать итәргә икәнен ничек билгеләргә:
- әгәр мәсьәлә тарифлар һәм бәяләр белән бәйле икән – ТР Тарифлар буенча дәүләт комитетына мөрәҗәгать итегез;
- хезмәт күрсәтү яки торакны карап тоту турында сүз барса — ТР Дәүләт торак инспекциясенә.