Инвестицияләр буенча штаб утырышында тагын нәрсә турында сүз барды
Казан шәһәре Башкарма комитетының Тышкы төзекләндерү комитеты рәисе урынбасары Эдуард Вафин БРИКС самитына әзерлек белән бәйле рәвештә коммуналь инфраструктура объектларын реконструкцияләү һәм модернизацияләү эшләрен үткәрүнең чикләүләре һәм сроклары турындагы доклад белән чыгыш ясады. Казан шәһәрен төзекләндерү кагыйдәләре һәм Җир, төзелеш һәм ремонт эшләрен оештыру турындагы нигезләмә таләпләре (Казан шәһәре Башкарма комитетының 12.12.2011 ел, №8023 карары белән расланган) нигезендә инженерлык коммуникацияләрен җәю өчен җир эшләре башкаруга ордер алу кирәклеген хәбәр итте.
Ордерны рәсмиләштерү өчен документлар исемлеге Казан шәһәре Башкарма комитетының 01.08.2014 ел, №4520 карары белән расланган. Аны бирүне карау өчен төп документ булып Казан шәһәре Архитектура һәм шәһәр төзелеше идарәсенең җир асты инженерлык коммуникацияләре һәм корылмалары картасының (планының) проект документациясенә туры килүе турында бәяләмәсе тора. Ордер алу өчен муниципаль хезмәтләр порталы аша тулы документлар пакеты белән гариза бирергә кирәк: uslugi.kzn.ru яки uslugi.tatarstan.ru. Муниципаль хезмәт күрсәтү вакыты – 5 эш көне, чынлыкта – 2 эш көне.
Әгәр эшләр автомобиль юлында башкарыла икән, автотранспорт һәм җәяүлеләрнең куркынычсыз хәрәкәтен тәэмин итү өчен автомобиль юллары буенча хәрәкәтне вакытлыча чикләүгә яки туктатуга рөхсәт рәсмиләштерергә кирәк (Казан шәһәре Башкарма комитетының 30.09.2011 ел, №5912 карары нигезендә). Моның өчен эшләрне башкару проектын, юл хәрәкәтен оештыру схемасын эшләргә һәм аларны район администрациясе, Транспорт комитеты һәм ЮХИДИ белән килештерергә кирәк.
Документлар пакетын муниципаль хезмәтләр порталлары аша да тапшырырга мөмкин: uslugi.kzn.ru яки uslugi.tatarstan.ru. Муниципаль хезмәт күрсәтү вакыты – 7 эш көне, чынлыкта – 5 эш көне. Күрсәтелгән хезмәтләр буенча кирәкле документлар исемлеге белән Казан шәһәре җирле үзидарә органнарының рәсми порталында танышырга мөмкин: www.kzn.ru «Хезмәттән файдалану» өлешендә, шулай ук Казан шәһәре Башкарма комитетының Тышкы төзекләндерү комитетының «Сораулар һәм җаваплар» бүлеге битендә.
«Татарстан Республикасында электр белән тәэмин итү иминлеген тәэмин итү буенча штаб тарафыннан халыкара чаралар уздыруга бәйле рәвештә «технологик тынлык» режимын кертү турында карар кабул ителде», – дип чыгышын тәмамлады спикер.
Аннары 2023 ел йомгаклары һәм 2024 елга планнар буенча инвестицион программаларны гамәлгә ашыру турында доклад белән Казан шәһәре «Водоканал» МУП директорының икътисад һәм финанслар буенча урынбасары Таһир Вәлиев чыгыш ясады.
«Программаны финанслау күләме озак вакытлы перспективада 15 елга (2014 елдан 2028 елга кадәр, ӨХС белән) «кулланучыларның тоташтыру өчен түләүләре», «амортизация түләүләре», «башка чыганаклар финанслау» чыганагы хисабына 30 миллиард сум күләмендә расланган. 2014 елдан 2022 елга кадәр 5 миллиард 034 миллион сумлык чаралар башкарылган;
2023 елда 620 миллион сумлык финанслау планлаштырылган (ӨХС белән), башлангыч нәтиҗәләр буенча 676 миллион сумлык эшләр башкарылган; 2024 елга 585 миллион сумлык чаралар планлаштырылган», – дип чыгышын башлады спикер.
Таһир Вәлиев шулай ук 2022-2028 елларга үзәкләштерелгән су белән тәэмин итү һәм ташландык суларны агызу системалары объектларын модернизацияләү һәм реконструкцияләү буенча «Водоканал» МУП өстәмә инвестицион программасы турында сөйләде, ул Татарстан Республикасы Төзелеш, архитектура һәм торак-коммуналь хуҗалыгы министрлыгының 29.10.2021 ел, №169/о боерыгы белән расланган.
Хәзерге вакытта үзгәрешләрне исәпкә алып, «капиталь кертемнәргә табыш» финанслау чыганагы хисабына 7 878 802 сумлык 72 чара каралган, шул исәптән:
- су белән тәэмин итү өлкәсендә 2 246 006 сумлык 55 чара;
- су чыгару өлкәсендә 5 632 796 сумлык 18 чара.
2022 елда 491 000 000 сумлык чаралар башкарылган. 2023 елда беренчел нәтиҗәләр буенча 1 606 000 сумлык чаралар башкарылган. 2024 елга 1 687 000 сумлык чаралар планлаштырылган.