ТКХ предприятиесенә кисәтү ясалды
ТР Тарифлар буенча дәүләт комитеты «ПЖКХ» ИК» ҖЧҖ тарафыннан законнарда билгеләнгән мәҗбүри таләпләрне бозуга юл куймау турында кисәтү чыгарды.
Татарстан башкарма хакимияте органнары адресына Лаеш районының Зимняя Горка авылында яшәүчеләрдән каты коммуналь калдыклар белән эш итү буенча күрсәтелмәгән хезмәт өчен түләүләр исәпләү мәсьәләсе буенча күмәк мөрәҗәгать алынды.
Гражданнар хәбәр иткәнчә, 2022 елның августында югарыда аталган торак пунктның 106 йорты «Татэнергосбыт» АҖ адресыннан 2022 елның июленә «ПЖКХ» ИК» ҖЧҖ тарафыннан исәпләнгән түләүләр белән квитанцияләр алганнар, аларда өстәмә юл белән ККК белән эш итү хезмәте өчен 2019 елның 1 гыйнварыннан башлап 1 меңнән 20 мең сумга кадәр бурыч булуы турында күрсәтелгән.
Җәмгыять ТР Тарифлар буенча дәүләт комитетына торак пункт территориясендә контейнерлар һәм контейнер мәйданчыклары урнаштыруны раслаучы мәгълүматларны һәм документларны тапшырмады. Моннан тыш, төбәк операторы хисапларыннан күренгәнчә, чыгарылган каты коммуналь калдыклар күләме буенча Зимняя Горка авылында 2020-2022 еллар чорында нибары 2021 елның 6 һәм 12 июлендә генә чүп чыгарылган.
ККК белән эш итү буенча фактта күрсәтелмәгән хезмәт өчен түләүләр хисаплау бәя кую тәртибен бозу билгеләренә ия.
ТР Тарифлар буенча дәүләт комитеты җәмгыятькә кисәтү ясады һәм ККК белән эш итү өлкәсендә эшчәнлекнең җайга салынулы төре буенча законнар таләпләрен үтәү буенча чаралар күрергә һәм күрсәтелмәгән хезмәтләр өчен түләү алуга юл куймаска, белдерелгән бурычларны яңадан исәпләргә кушты.
«ПЖКХ» ИК» ҖЧҖ кисәтүнең үтәлүе турында 2022 елның 7 ноябренә кадәр контрольдә тотучы оешмага хәбәр итәргә кирәк.