ТР Тарифлар буенча дәүләт комитеты Казандагы җылылык-электр станцияләрендәге инвестиция программаларының үтәлешен тикшерә
Татарстан Республикасы Тарифлар буенча дәүләт комитетының эшче төркеме җайга салына торган оешма программасы объектлары буенча урынга чыгып тикшерүләрне дәвам итә. Шушы көннәрдә җайга салучы орган 1 нче Казан җылылык-электр станциясе һәм 2 нче Казан җылылык-электр станциясендәге «Татэнерго» АҖ инвестиция чараларының 2021-2022 еллардагы үтәлешен тикшерде.
2021 елда шәһәр җылылык-электр станцияләрендә искергән җиһаз алмаштырыла, бу җылылык белән тәэмин итү системасының ышанычлылыгын арттырырга мөмкинлек бирә. Шулай итеп, 1 нче Казан җылылык-электр станциясендә 5 номерлы ст. ПТ-35,5 турбоагрегатының автомат рәвештә көйләү системасын техник яктан яңадан җиһазландыру эшләре башкарыла, 5, 6, 7 номерлы ст. турбоагрегатларының мәгълүмати-үлчәү системаларын модернизацияләү һәм гомуми җиһазландыру эшләренең бер этабы эшләнә. 2 нче Казан җылылык-электр станциясендә РОУ-7 торбаүткәргеченнән чыга торган парның тавышын киметү буенча җиһазлар урнаштырыла. Шулай ук 9 номерлы ст. турбогенератор челтәр суы схемасын модернизацияләү эшләре дә башкарыла.
Быел 1 нче Казан җылылык-электр станциясендә 5, 6, 7 номерлы ст. турбоагрегатларының мәгълүмати-үлчәү системаларын модернизацияләү һәм гомуми җиһазландыру эшләре дәвам итәчәк. 2 нче Казан җылылык-электр станциясендә 8 номерлы ст. энергетика казанын техник яктан яңадан коралландыру буенча эшләр башкару планлаштырыла. Җылылык-электр станциясе объектларын модернизацияләү эшләре җылылык энергиясе белән тәэмин итү тарифлары, шулай ук предприятиенең үз акчалары хисабына башкарыла. 2022 елда җылылык-электр станцияләрендә үткәрелүче капитель характердагы чаралар өчен 230 млн. сум акча бүленеп бирелер дип планлаштырыла.