«Тукай су каналы» ҖЧҖ өчен тарифлар билгеләнде

2021 елның 8 декабрендә Татарстан Республикасы Тарифлар буенча дәүләт комитеты идарәсе 2022 елга «Тукай су каналы» ҖЧҖ өчен су белән тәэмин итүгә һәм ташландык су агызуга тарифлар билгеләде. «Тукай су каналы» ҖЧҖ Тукай муниципаль районының Круглое Поле, Мәләкәс, Бәтке, Биклән, Иштирәк авыл җирлекләрендә су белән тәэмин итү һәм ташландык суларны агызу хезмәтләрен күрсәтә.

Курглое Поле һәм Мәләкәс авыл җирлекләрендә эчәргә яраклы салкын суны кулланучылар булып торак-социаль өлкә объектлары тора.  Су белән тәэмин итүне оештыру өчен оешма «Пластик басымны тоту өчен технологик сыеклык әзерләү идарәсе» ҖЧҖ су сатып ала. Мәләкәс авыл җирлегендә оешма өстәмә рәвештә Калинин авылындагы скважинадан су күтәртә. Кулланучыларга дигән су үткәрү челтәрләре аша бирелә.

Бәтке, Биклән, Иштирәк авыл җирлекләрендә кулланучылар өчен эчә торган су чыганагы булып җир асты сулары кулланыла. Предприятие 21 скважина буенча хезмәт күрсәтә. Скважиналардан эчә торган тутыручы насослар ярдәмендә су үткәрү манарасына бирелә, аннан суүткәргеч челтәрләр аша кулланучыларга җибәрелә. 

Җирлекләрнең канализация агынтыларын бер урыннан икенче урынга күчерү оешманың канализация челтәрләре буенча башкарыла. Агынтыларның бер өлеше  «ЧЕЛЫВОДОКАНАЛ» ҖЧҖ чистарту корылмаларында чистартыла. Биклән һәм Иштирәк авыл җирлегендә агынты сулар утырма алу савытларына агызыла.

2022 елга «Тукай су каналы» ҖЧҖ өчен су белән тәэмин итүгә һәм ташландык су агызуга тарифлар, эшчәнлекнең җайга салына торган төрләрен гамәлгә ашыру өчен кирәкле, оешманың икътисадый нигезләнгән чыгымнарын, хезмәт өчен түләү чыгымнарын, салым түләүләрен исәпкә алып кабул ителде. 

Эчә торган суга тарифлар:

Бәтке, Биклән, Иштирәк авыл җирлекләрендәге кулланучылар өчен 2022 елда арттырылмаячак һәм 2021 ел дәрәҗәсендә кала – 48,24 сум.

Круглое Поле авыл җирлегендәге кулланучылар өчен 2022 елның 1 июленнән 1,6 сумга арта һәм 26,23 сум тәшкил итәчәк.

Мәләкәс авыл җирлегендәге кулланучылар өчен (2022 елның 1 гыйнварыннан) 1,25 сумга кими һәм 31,56 сум тәшкил итәчәк.

Ташландык су агызуга тарифлар:

Тукай муниципаль районының Круглое Поле авыл җирлегендәге кулланучылар өчен 2022 елның 1 гыйнварыннан 99 тиенгә төшә һәм 33,02 сум тәшкил итә.

Бәтке, Биклән, Иштирәк, Мәләкәс авыл җирлекләрендәге кулланучылар өчен 2022 елның 1 июленнән  3,36 сумга арта һәм 60,44 сум тәшкил итәчәк.