12 июнь – Россия көне!
Татарстан Республикасы Тарифлар буенча дәүләт комитеты республика халкын һәм кунакларны дәүләт бәйрәме – Россия көне белән котлый!
Бу көнне утыз бер ел элек Россия Совет Федератив Социалистик Республикасының I Халык депутатлары съезды Республиканың дәүләт суверенитеты турында декларация кабул иткән. Ике елдан соң, 11 июньдә РСФСР Югары Советы 12 июньне дәүләт бәйрәме – Россия Федерациясенең Дәүләт суверенитеты турында декларация кабул ителгән көн дип игълан иткән.
1994 елның 2 июне, Россия Президенты Указы белән, Россия Федерациясенең Дәүләт суверенитеты турында декларация кабул ителгән көн – дәүләт бәйрәме дип игълан ителә.
Бу бәйрәм көнендә Татарстан Республикасы Тарифлар буенча дәүләт комитеты сезгә игелекле эшләрегездә уңышлар, барлык планнарыгызның тормышка ашуын, ныклы сәламәтлек, сүрелмәс ышаныч көче тели. Бердәм эш, максатчанлык һәм үз-үзеңне аямау Ватаныбызның ныгуына һәм алга таба үсешенә ярдәм итсен!