Идарәнең чираттагы утырышы
5 ноябрь көнне Татарстан Республикасы Тарифлар буенча дәүләт комитеты идарәсе республиканың кайбер оешмалары өчен җылылык энергиясенә, эчәргә яраклы суга, техник суга, ташландык суларны агызуга, салкын суны транспортлауга һәм ташландык суларны транспортлауга тарифларны карап тикшерде.
Идарәнең чираттагы утырышына 2021 елга тарифлар билгеләү һәм чираттагы җайга салу чорына җылылык белән тәэмин итү, су белән тәэмин итү һәм ташландык суларны агызу өлкәләрендә эшчәнлек алып баручы оешмалар өчен озак сроклы тарифларга төзәтмәләр кертү турында 52 мәсьәлә, шулай ук «Алабуга автомобиль заводы җитештерү берләшмәсе» АҖ тарафыннан җайга салу эшчәнлеген туктатуга бәйле рәвештә Татарстан Республикасы Тарифлар буенча дәүләт комитетының аерым карарларының үз көчләрен югалтуын тану турындагы мәсьәлә чыгарылды.
Моннан тыш, Идарә тарафыннан электр һәм газ бүлү челтәрләренә техник тоташтыруга түләү, газ бүлү челтәрләренә, җылылык белән тәэмин итү, су белән тәэмин итү һәм ташландык суларны агызу системаларына технологик ялгаган өчен түләү исәпләү өчен стандартлаштырылган тариф ставкалары билгеләү турында карар кабул ителде.
«Энергосистема» ҖЧҖ тарафыннан җылылык белән тәэмин итүче башка оешмаларга җиткерелә торган җылылык энергиясенә тарифлар билгеләү, шулай ук «РЖД» ААҖ филиалы – Җылылык-су белән тәэмин итү буенча үзәк дирекциясенең структур бүлекчәсе – Җылылык-су белән тәэмин итү буенча Горький дирекциясенең Казан территориаль участогы өчен салкын суны транспортлауга Татарстан Республикасы Тарифлар буенча дәүләт комитетының 07.12.2018 № 10-135/кс карары белән билгеләнгән озак сроклы тарифларга 2021 ел өчен төзәтмәләр кертү турындагы мәсьәләләрне карау, чыгымнарның аерым статьялары буенча каршылыкларны бетерү зарурлыгы аркасында, Идарәнең киләсе утырышына калдырылды.