«Татэнерго» АҖ инвестиция программасын гамәлгә ашыру

2020 елның 15 сентябре, сишәмбе

        Инвестиция программаларын гамәлгә ашыруга мониторинг кысаларында 8 сентябрь көнне Татарстан Республикасы Тарифлар буенча дәүләт комитеты инвестиция программасы үтәлешен карау кысаларында «Татэнерго» АҖ филиалы – Яр Чаллы ҖЭҮ предприятиесенә барып кайтты. 
       «Татэнерго» АҖ һәм Яр Чаллы ҖЭҮ вәкилләре белән бергә 2020 елга инвестиция программасына төзәтмәләр кертү проектына кертелгән объектлар – модификацияләнгән пар җыю камерасы урнаштырылган котел агрегатларын модернизацияләү, стационар янгын сүндерү җайланмаларын техник яктан яңадан җиһазландыру, шулай ук «Яр Чаллы ҖЭҮ ягулык хуҗалыгы» ҖЧҖ территориясе карап чыгылды.