Чистай районы эшкуарлары белән видеоконференцэлемтә режимында киңәшмә узды

2020 елның 3 июне, чәршәмбе

       Бүген ТР Тарифлар буенча дәүләт комитеты рәисенең беренче урынбасары Александр Штром Чистай муниципаль районы бизнес-җәмәгатьчелеге вәкилләре белән онлайн-очрашуда катнашты.

     Актуаль мәсьәләләр буенча фикер алышынган мондый очрашулар традициягә әйләнде. Алар Татарстан Республикасы Президенты каршындагы Эшкуарлар хокукларын яклау буенча вәкаләтле вәкил – Татарстан Республикасы Президенты ярдәмчесе Фәрит Габделганиев җитәкчелегендә үткәрелә.

      Александр Штром бизнесменнарның агросәнәгать комплексында сәнәгать гигантлары һәм хуҗалык итүнең кече формалары предприятиеләре өчен электр энергиясенә тарифлар турындагы сорауларына җавап бирде.