Дәүләт комитеты хезмәткәрләре волонтерлык хәрәкәтенә кушылды

2020 елның 13 апреле, дүшәмбе

Татарстан Республикасы Тарифлар буенча дәүләт комитеты хезмәткәрләре волонтерлар хәрәкәтенә кушылды. Россиядә короновирус инфекциясе таралуга бәйле рәвештә үз-үзеңне изоляцияләү чорында мохтаҗ гаиләләргә һәм өлкән яшьтәге кешеләргә ярдәм итү өчен азык-төлек сатып алуга акча җыю оештырылды. Дәүләт комитеты хезмәткәрләре җыелган акчага азык-төлек җыелмалары сатып алып, аларны адреслар буенча илтеп җиткерү белән шөгыльләнүче волонтерлар штабына алып барды. Хезмәткәрләр шулай ук күпбалалы гаиләләргә дә азык-төлек җыелмалары китерде. Әлеге хәлдә Дәүләт комитеты хезмәткәрләре мохтаҗларга волонтерлык ярдәме күрсәтүне дәвам иттерәчәк.

Видео : https://youtu.be/j4aIU1wb2us