Электр энергиясенә дифференциацияләнгән тарифларга ничек күчәргә?
«Электр энергиясенә дифференциацияләнгән тарифларга ничек күчәргә?» – гражданнар мөрәҗәгатьләре буенча эшләү бүлегенә еш бирелә торган сорауларның берсе.
Җавап:
Ел саен Россиянең Монополиягә каршы федераль хезмәте тәүлеклек зонасының барлык субъектларын билгели, алар буенча төрле тарифлар билгеләнә. Бу «көн-төн» дигән ике зоналы тариф яки «көн-төн» һәм «куллану пигы» дигән өч зоналы тариф булырга мөмкин.
2020 елда ике зоналы тарифта көндезге вакыттагы тариф 4 сум 34 тиен тәшкил итә, ә төнлә – 2 сум 64 тиен. Әгәр кулланучы, үзенең куллану графигын бәяләп, энергияне төнлә күбрәк куллануын күрә икән, аңа бу тарифка күчү отышлы булачак. Безнең бәяләү буенча, бу тариф төнлә көндезгә караганда электр энергиясенең 30 процентыннан артыграк өлешен кулланучылар өчен отышлы.
Шулай ук өч зоналы тарифтан да файдаланырга мөмкин, аның буенча электр энергиясен көндезге зонада куллану 3 сум 78 тиен бәяләнә, төнге тариф – 2 сум 64 тиен, ә пик вакытында: иртәнге 7 сәгатьтән 10 сәгатькә кадәр һәм 17 сәгатьтән 21 сәгатькә кадәр – 4 сум 61 тиен. Әгәр пик сәгатьләрендә кеше электр энергиясен куллануны чикли алса, бу тариф аңа файдалы булачак.
Тарифка күчү өчен гарантияле тәэмин итүче – «Татэнергосбыт»ка яки идарәче компаниягә (торак милекчеләре ширкәтенә) мөрәҗәгать итәргә кирәк. Белгечләр киңәш бирер һәм дифференциацияләнгән тарифларның кулланучы өчен отышлымы яки юкмы икәнлеген ачыкларга булышыр. Тариф төре шәхси рәвештә сайлап алына. Тарифларны алмаштыру өчен мөрәҗәгать итү сорала.
Исегезгә төшерәбез, мөрәҗәгатьләр Дәүләт комитеты сайтында һәм социаль челтәрләрдә тәүлек буе интернет-кабул итү системасы аша кабул ителә, эш вакытында – «кайнар линия» телефоны буенча: (843) 221-82-51.