Каты коммуналь калдыкларны эшкәртү һәм күмү буенча Түбән Новгород тәҗрибәсе
Бүген, 3 июльдә, коммуналь өлкә оешмаларын җайга салу идарәсе башлыгы Хәбибуллина Лариса Васильевна Түбән Новгород өлкәсенең тарифлар буенча төбәк хезмәте җитәкчесе вазыйфаларын башкаручы Алешина Юлия Леонидовна белән берлектә "Нижэкология - НН" ҖЧҖ каты коммуналь калдыкларны эшкәртү һәм күмү объектларында булды.
Өлкә территориясендә 7 төбәк операторы билгеләнгән, аларның 5сендә ККК күмү өчен заманча полигоннар бар. Шул рәвешле коммуналь калдыклар белән эш итү өлкәсендә конкурентлы мохит булдырылган.
2012 елда файдалануга тапшырылган шундый объектларның берсе – Түбән Новгород һәм Дзержинский арасында урнашкан "МАГ-1" муниципальара полигоны. Бу – калдыкларның әйләнә-тирәлеккә тискәре йогынтысын сизелерлек киметә торган масштаблы һәм катлаулы инженер-техник корылма. Бүген Россиядә "МАГ-1" аналоглары юк.
ТР Тарифлар буенча дәүләт комитеты белгечләре бәяләвенчә, Түбән Новгород тәҗрибәсе муниципальара полигоннар һәм каты коммуналь калдыкларны эшкәртү объектлары төзелеше буенча инвестицион проектлар эшләгәндә Татарстан Республикасы өчен файдалы булачак.