Каты коммуналь калдыклар белән эш итү өлкәсендә төбәк операторлары эшчәнлеген карау буенча Эшче штабның чираттагы утырышы узды
Бүген Татарстан Республикасы Тарифлар буенча Дәүләт комитеты каршындагы Эшче штабның чираттагы утырышы булды. Анда 5 мәсьәлә каралды. Кереш сүз белән чыгыш ясап, Рәис урынбасары Лилия Борисова каты коммуналь калдыклар белән эш итү өлкәсендә төбәк операторларының эшчәнлеген карау буенча Эшче штабның алдагы утырышларының беркетмәләрен үтәү нәтиҗәләрен билгеләде. Киңәшмәдә катнашучылар 2019 елның 1 кварталында "ПЖКХ" ИК" ҖЧҖ һәм "Гринта" ҖЧҖ финанс-хуҗалык эшчәнлеге турында хисап тыңлады. Ачыкланган барлык кисәтүләр дә игътибарга алынды һәм тиешле чаралар күрү өчен утырыш беркетмәсенә кертелде. Түбәндәгеләргә аерым игътибар бирелде:
- территориаль схемада билгеләнгән каты көнкүреш калдыклары белән эш итү өлкәсендә яңа инфраструктура объектларын урнаштыруны үзгәртү мөмкинлеге;
- оешмалар өчен каты көнкүреш калдыкларын җыю буенча расланган нормативларның фактик тупланмасына туры килүе;
- чүпне аралап җыюны гамәлгә кертү һәм тормышка ашыру.
Очрашу барышында шулай ук бюджет оешмалары белән каты коммуналь калдыклар белән эш итү өлкәсендә шартнамәләр төзүгә кагылышлы мәсьәләләр дә күтәрелде.