Татарстан Республикасы Тарифлар буенча дәүләт комитеты Зәй шәһәрендә автомобиль транспортында пассажирлар белән багаж ташуларга тарифлар билгеләде

Татарстан Республикасы Тарифлар буенча дәүләт комитеты ташучы "Авторитет" транспорт компаниясе" ҖЧҖнең Татарстан Республикасы Зәй муниципаль районы Башкарма комитеты тарафыннан җиткерелгән, Зәй шәһәрендәге даими ташуларның муниципаль маршрутларында  автомобиль транспортында пассажирлар белән багажны даими ташуларга чик күләмдә максималь тарифлар билгеләү турындагы гаризасын карап тикшерде.

Тарифлар түбәндәгечә билгеләнде:

• билетны транспорт салонында акчага сатып алганда – 17 сум;
• юл өчен 50 мәртәбә бару өчен озак файдаланыла торган билет ярдәмендә түләгәндә – 13 сум.

Тарифларны арттыру түбәндәге сәбәпләр белән аңлатыла:

• гомуми характердагы инфляция процесслары, ш.и. ягулык-майлау материалларына, шиннарга һәм запас өлешләргә бәяләр үзгәрү.
• тариф 2010 елдан бирле үзгәртелмәде.

Законнар нигезендә тарифлар Татарстан Республикасының рәсми хокукый мәгълүмат порталында рәсми рәвештә басылып чыккан датадан соң 10 көн узгач гамәлгә керә.