“2016-2018 елларга ТКХ тармагындагы тарифларны җайга салу. Концессия килешүләре” темасына Бөтенроссия гамәли он-лайн семинар булачак
2016 елның 20-21 апрель көннәрендә “2016-2018 елларга ТКХ тармагындагы тарифларны җайга салу. Концессия килешүләре” темасына Бөтенроссия гамәли он-лайн семинар булачак. Семинар ТКХ оешмалары һәм җирле үзидарә органнары җитәкчеләрен һәм андагы белгечләрне нәтиҗәле эшләргә өйрәтүгә, шулай ук законнардагы төп үзгәрешләрне яктыртуга юнәлдерелгән.
2016 елның 20-21 апрель көннәрендә эш программасы кысаларында түбәндәге мәсьәләләр яктыртылачак:
- 2016-2018 еллардагы тариф компаниясенең үзенчәлекләре. Законнар чыгару һәм норматив-техник базадагы үзгәрешләр. Гражданнарның түләүләренә карата индекс исәпләп чыгаруның яңа үзенчәлекләре.
- Су белән тәэмин итү һәм су бүлү өлкәләрендә җитештерү программаларын һәм җылы белән тәэмин итү өлкәсендә ремонт программаларын эшләү тәҗрибәсе. Тарифларны озак вакытлы җайга салганда төзәтмәләр кертү буенча хисапнамә, үзенчәлекләр.
- Коммуналь комплекс предприятиеләренең инвестиция программаларын эшләү тәҗрибәсе. Тарифларны озак вакытлы җайга салганда төзәтмәләр кертү буенча хисапнамә, үзенчәлекләр.
- Озак вакытлы җайга салу чорының икенче елындагы тариф компаниясенең үзенчәлекләре. Җайга салучыга документлар тапшыру. Хисапнамә. НВВ төзәтмәләр кертү.
- Концессия килешүләре. Законнар чыгару һәм норматив-хокукый база.
- Коммуналь инфраструктура системасын техник яктан тикшерү кагыйдәләре.
- Концессионерга биремнәр һәм конкурс документлары эшләү. Озак вакытлы җайга салу параметрларын хисаплау, Җайга салучы белән ике арадагы мөнәсәбәтләр.
- Концессия килешүе проектын әзерләү. Хаталарны анализлау, мәгълүмат әзерләү үзенчәлекләре.
Бу чара тармак министрлыкларындагы, муниципаль хакимият органнарындагы һәм ТКХ оешмаларындагы җитәкчеләргә һәм белгечләргә торак-коммуналь хуҗалык өлкәсендә нәтиҗәле эшләүнең төп мәсьәләләрен аңларга мөмкинлек бирәчәк.
Тулырак мәгълүматны проектның җитәкчесе Владимиров Сергей Андреевичтан алырга була, тел. 8-925-862-55-83, +7(495)642-46-18 e-mail oookreon@mail.ru