ТР Тарифлар буенча дәүләт комитеты Казанда җәмәгать транспортында пассажирларны һәм багаж ташу буенча бердәм тариф билгеләде

Татарстан Республикасының Тарифлар буенча дәүләт комитеты, “Казан шәһәрендә даими ташуларның муниципаль маршрутлары буенча җәмәгать транспортында пассажирларны һәм багажны даими ташуга карата чик күләмдә максималь тарифлар билгеләү турында” 25.03.2016 №7-4/т карары нигезендә, Казан шәһәрендә пассажирларны һәм багажны җәмәгать транспортында ташу буенча югалтуларсыз дәрәҗә тәэмин итә торган бердәм тарифлар билгеләде, түбәндәге күләмнәрдә:

Билетны транспорт чарасы салонында (жетоны метрополитен кассаларында) сатып алганда -  25 сум;

Юл бәсен озак файдаланыла торган билетлар (“электрон янчык”) ярдәмендә түләгәндә, бер тукталыш өчен - 23 сум;

Юл бәясен озак файдаланыла торган билет ярдәмендә түләгәндә (агымдагы ай дәвамында гамәлдә) – 10 мәртәбә бару өчен 23 сум;

Юл бәясен озак файдаланыла торган билет ярдәмендә түләгәндә (аерым бер транспорт төре өчен айлык юл билеты) – 50 мәртәбә бару өчен 15 сум.

Пассажирларны автобусларда ташу тарифларын арттыру гомуми характердагы инфляция процессларына бәйле, шул исәптән: ягулык-майлау материалларына, энергияйөрткечләргә, шиннарга һәм запас өлешләргә бәяләр артуга, шулай ук хәрәкәт итү составын яңарту зарурлыгына бәйле.

Җир өстендәге электр транспортына һәм метрополитенга тарифларны арттыру түбәндәге сәбәпләр белән аңлатыла:

хәрәкәт итүче состав өчен дә, технологик җайланмалар һәм энергетика хуҗалыгы өчен дә электр энергиясенә тарифлар, ягулыкка һәм ягулык-майлау материалларына, запас өлешләргә, төеннәргә һәм агрегатларга бәяләр арту; гомуми характердагы инфляция процесслары.

Тарифларның уртача артымы 16,9 % тәшкил итәчәк.

Законнар нигезендә тарифлар Татарстан Республикасының Юстиция министрлыгы сайтында рәсми басылып чыккан датадан соң 10 көн узгач гамәлгә керә.