Казан белән Ростов-на-Дону шәһәрләрен яңа авиарейс бәйли

29 февральдә региональ ташуларны субсидияләү программасы буенча яңа Ростов-на-Дону – Казан авиарейсына старт бирелә. Россиянең көньягындагы зур шәһәрләрнең берсенә таба авиаочышлар атнасына өч тапкыр – дүшәмбе, чәршәмбе һәм җомга көннәрендә түбәндәге график буенча гамәлгә ашырылачак: һава судносы Ростов-на-Дону шәһәреннән 08.45 сәгатьтә чыга һәм Казанга 10.50 сәгатьтә килеп җитә; 11.50 сәгатьтә - Казаннан китә, 13.55 сәгатьтә - Ростов-на-Дону шәһәренә килеп җитә.

Һәр аэропорт өчен җирле вакыт күрсәтелгән, кышкы навигация чоры тәмамланганчыга кадәр, ягъни март азагына кадәрге графикта үзгәрешләр булырга мөмкин.

Яңа рейсны “РусЛайн” авиакомпаниясе җибәрә. Очышларны башкару өчен илдә иң ышанычлы дип саналучы 50 урынга исәпләнгән “CRJ200” очкычлары гамәлдә булачак, дип хәбәр итә “Казан” халыкара аэропорты” ААҖ матбугат хезмәте.

http://www.kzn.ru/news/52581-kazan-i-rostov-na-donu-svyazhet-novyj-aviarejs