Территориаль челтәр оешмаларының электр челтәрләренә технологик тоташтырган өчен түләү зурлыгын ачыклый торган стандартлаштырылган тариф ставкаларын билгеләү тәртибе билгеләнде
“Электр энергетикасы турында” Федераль законның 23.2 статьясына үзгәрешләр кертү турында” 30.12.2015, № 450-ФЗ Федераль закон нигезендә территориаль челтәр оешмаларының электр челтәрләренә технологик тоташтырган өчен түләү зурлыгын ачыклый торган стандартлаштырылган тариф ставкаларын билгеләү тәртибе билгеләнде.
Федераль законда күрсәтелгәнчә, ставкалар, аерым алганда аналогларны чагыштыру методыннан файдаланып, РФ субъектының тарифларны дәүләти җайга салу өлкәсендә башкарма хакимият органнары тарафыннан исәпләп чыгарыла һәм билгеләнә, РФ субъекты территориясендәге барлык территориаль челтәр оешмалары өчен дә бердәм булып тора.
Ставкалар технологик тоташтыру буенча, шул исәптән электр челтәрләре хуҗалыгы объектларының төрләре һәм техник сыйфатламалары белән аңлатылган чаралар составыннан, энергияне кабул итү җайланмаларын тоташтыру ноктасындагы егәрлек һәм максималь куәт дәрәҗәсеннән, энергияне саклауның ышанычлылык категориясеннән чыгып һәм федераль законнарда электр энергетикасында җайга салынулы бәяләр (тарифлар) өлкәсендә РФ Хөкүмәте тарафыннан расланган бәя билгеләү нигезләре буенча билгеләнгән башка төрле чараларны исәпкә алып дифференциацияләнә.
Территориаль челтәр оешмаларының технологик тоташтыру буенча чараларны үтәүдә күрсәтелгән чараларны башкару өчен чыгымнарның күләмен узып китә торган чыгымнары, – аларга карап территориаль челтәр оешмаларының электр челтәрләренә технологик тоташтырган өчен түләү зурлыгын билгели торган стандартлаштырылган тариф ставкалары исәпләнә – электр энергетикасында бәяләрне (тарифларны) дәүләти җайга салганда исәпкә алынмый.