РФ Транспорт министрлыгының 2015 елның 13 октябрендәге “Россия Федерациясе Транспорт министрлыгының 2004 елның 20 августындагы 15 номерлы боерыгы белән расланган Автомобиль йөртүчеләрнең эш вакыты һәм ял вакыты үзенчәлекләре турында нигезләмәгә үзгәрешләр кертү турында” 299 номерлы боерыгы белән шәһәрдәге һәм шәһәр яны автобусларындагы йөртүчеләрнең эш вакытына бәйле режимга карата таләпләр үзгәртелде

РФ ТК кертелгән төзәтмәләргә бәйле рәвештә даими шәһәр һәм шәһәр яны маршрутларында эшләүче автобус йөртүчеләрнең эш вакыты режимына карата таләпләр үзгәртелде.

Күрсәтелгән затларның эш көне 2 өлешкә бүленергә мөмкин. Хәзер әлеге өлешләр арасындагы ял вакыты эш башланганнан бирле 5 сәгатьтән дә соңга калмыйча (элек - 4 сәгатьтән соңга калмыйча) билгеләнергә тиеш. Шул ук вакытта, әгәр ял вакыты эш башлаганнан соң 4 сәгатьтән соңрак билгеләнә икән, ул очракта йөртүчеләргә аңа кадәр юлда автобус йөртүдән ял итү өчен махсус вакытлар бирелә. Алар кимендә 15 минут булырга тиеш.

Гомуми кагыйдә буенча, 2 өлеш арасындагы ял вакытлары эш көне дәвамында 2 сәгатьтән артык була алмый. Төзәтмәләрдә аны 3 сәгатькә кадәр арттыру күздә тотыла. Бу региональ соцпартнерлык дәрәҗәсендә төзелгән тармакара килешү яки эш бирүченең локаль акты нигезендә эшләнә. Шулай ук йөртүченең дә ризалыгы кирәк.