2016 елга салкын су белән тәэмин итү һәм су бүлү системаларына тоташтырган өчен тарифлар килештергәндә төгәл белешмәләр тапшыру зарурлыгы хакында

“Су белән тәэмин итү һәм су бүлү турында” 07.12.2011 ел, № 416-ФЗ федераль закон нигезендә тоташтырган өчен түләү составында, объектны мөрәҗәгать итүчедән башлап үзәкләштерелгән салкын су белән тәэмин итү һәм су бүлү системаларына тоташтыру ноктасына кадәр, су белән тәэмин итү һәм су бүлү объектларын төзү буенча чаралар исәпкә алына. Техник мөмкинлек булган очракта тоташтыру ноктасы мөрәҗәгать итүченең капиталь төзелеш объекты урнашкан җир кишәрлеге чигендә урнаштырыла.

29.07.2013 ел, № 645 Россия Федерациясе Хөкүмәте карары белән расланган үзәкләштерелгән салкын су белән тәэмин итү системасына тоташтыру турында типик шартнамәнең (алга таба – типик шартнамә) 3 пункты буенча, объектны тоташтыру җир кишәрлеге чигендә урнашкан объект тоташтыру ноктасында (нокталарында), ә күпфатирлы йортны тоташтырган очракта – әлеге күпфатирлы йортта булган салкын су белән тәэмин итү челтәрләренең инженерлык-техник челтәрләре чигендә башкарыла.

Салкын су белән тәэмин итү һәм су бүлү системаларына тоташтыру буенча типик шартнамәләрнең 8 һәм 10 пунктлары нигезендә су үткәрү-канализацияләү хуҗалыгы оешмасы, тоташтырган өчен түләү хисабыннан, җир кишәрлеге чигендәге тоташтыру нокталарына кадәр үзәкләштерелгән салкын су белән тәэмин итү һәм су бүлү системасын булдыру (реконструкцияләү) буенча гамәлләр башкарырга бурычлы.

Шул рәвешле, мөрәҗәгать итүче ресурс белән тәэмин итүче оешмадан җир кишәрлеге чикләренә яисә йорт стенасына кадәр су белән тәэмин итү һәм су бүлү челтәрләре төзүне таләп итәргә хокуклы. Ресурс белән тәэмин итүче оешма шартнамә төзүдән, шулай ук су белән тәэмин итү һәм су бүлү челтәрләрен төзүдән баш тартырга хокуклы түгел.

Югарыда бәян ителгәннәрне исәпкә алып, Татарстан Республикасының Тарифлар буенча дәүләт комитеты Сезнең игътибарыгызны, су белән тәэмин итү һәм су бүлү челтәрләрен төзегәндә югалтуларны булдырмау максатында, челтәрләрнең озынлыгына карата тариф ставкалары хисаплау буенча төгәл белешмәләр тапшыру зарурлыгына юнәлтә.

Мәгълүмати хат (http://kt.tatarstan.ru/rus/informatsionnie-pisma.htm ).