Җәйге навигация тәмамланганчыга кадәр “Татфлот” суднолар йөртү компаниясе Идел елгасы буйлап сәяхәт үткәрүләрне дәвам итә

Һәр шимбә һәм якшәмбе көннәрендә ике сәгать дәвамында теплоходлар Идел буйлап хәрәкәт итә. Казанның елга вокзалыннан кузгалып китү вакыты – 15.00 сәгатьтә. Елга буйлап сәяхәт кылуның өлкәннәр өчен юл бәясе – 250 сум, 5 яшькәчә балалар өчен – бушлай, 5 яшьтән 10 яшькәчә балалар өчен – 125 сум.

Шулай ук җылы һава торышыннан файдаланып, Свияжски утрау-шәһәрендә кунак булырга мөмкин. Пассажирлык теплоходлары Казанның елга вокзалыннан көн саен 08.20 сәгатьтә кузгала һәм Свияжскига 10.30 сәгатьтә килеп җитә. Свияжскидан китү вакыты – 15.30. Бер тарафка билет бәясе 114 сум тора, 5 яшьтән 10 яшькәчә булган балалар өчен 50 процентлы ташлама гамәлдә.

Татарстан Республикасы Транспорт һәм юл хуҗалыгы министрлыгы матбугат хезмәте