Россиянең Икътисади үсеш министрлыгы һәм Россиянең Монополиягә каршы федераль хезмәте товарлар, эшләр, хезмәтләр сатып алу өлкәсендә өстәмә таләпләргә карата үз фикерен җиткерде
Өстәмә таләпләр 2015 елның 4 февралендәге “Аерым товар, эш, хезмәт төрләрен сатып алуда катнашучыларга карата өстәмә таләпләр, товарларны, эшләрне, хезмәтләрне техник һәм (яки) техник яктан катлаулы, инновацион, югары технологияле яки махсус сыйфатламалы булуы сәбәпле бары тик кирәкле квалификация дәрәҗәсенә ия булган җиткерүчеләр (подрядчылар, башкаручылар) җиткерә алырга мөмкин булган товарларга, эшләргә, хезмәтләргә кертү очракларын, шулай ук сатып алуда катнашучыларның күрсәтелгән өстәмә таләпләргә туры килүен раслый торган документларны билгеләү хакында” 99 номерлы РФ Хөкүмәте карарына 1 номерлы кушымтада билгеләнгән.
Документта кайбер, асылда, сатып алуда катнашучылар өчен өстәмә таләпләр билгеләүгә кагыла торган мәсьәләләргә аңлатмалар бирелә, алар арасында түбәндәгеләр бар: сатып алуда катнашучыларда күчемсез милек, кирәкле җиһаз һәм техник чаралар булу; аны төзү хокукына сатып алу үткәрелә торган контрактны үтәү срогына, ләкин кимендә 2 елга төзелгән күчемсез милек арендасы килешүе; сатып алу предметына туры килә торган эшне башкаруга карата контракт үтәү (хокуклы варис булуны исәпкә алып) тәҗрибәсе булу.