“Җылылык белән тәэмин итүче һәм җылылык челтәрләре оешмаларында керемнәрне һәм чыгымнарны аерым исәпкә алу системасын эшләүдә принципиаль мәсьәләләр һәм гамәли чишелешләр” темасына семинар-киңәшмә булды

19 август көнне Татарстан Республикасының Тарифлар буенча дәүләт комитеты, “ЭнергоКонсалт” ҖЧҖ (Мәскәү ш.) белән берлектә, “Җылылык белән тәэмин итүче һәм җылылык челтәрләре оешмаларында керемнәрне һәм чыгымнарны аерым исәпкә алу системасын эшләүдә принципиаль мәсьәләләр һәм гамәли чишелешләр” темасына семинар-киңәшмә үткәрде. Семинар-киңәшмәне ачып, Татарстан Республикасы Тарифлар буенча дәүләт комитеты рәисе урынбасары Лилия Борисова, семинарның максаты – җылылык белән тәэмин итүче һәм җылылык челтәрләре оешмаларының белгечләренә җайга салынулы оешмалар тарафыннан җайга салынулы эшчәнлек төрләре буенча чыгымнарны аерым исәпкә алу буенча киңәшләр бирү һәм гамәли ярдәм күрсәтү, дип билгеләде. Докладчылар сыйфатында “ЭнергоКонсалт” ҖЧҖ (Мәскәү ш.) һәм “Ситэк” ҖЧҖ (Мәскәү ш.) вәкилләре чыгыш ясады, алар чарада катнашучыларны җылылык белән тәэмин итүче һәм җылылык челтәрләре оешмаларының керемнәрен һәм чыгымнарын аерым-аерым исәпкә алу системасына карата Россия Федерациясенең гамәлдәге норматив-хокукый актлары белән таныштырды. Семинар азагында доклад белән чыгыш ясаучылар анда катнашучыларның сорауларына җаваплар бирде. Киңәшмәдә Татарстан Республикасындагы 34 җылылык белән тәэмин итү һәм җылылык челтәрләре оешмасыннан барлыгы 85 белгеч катнашты. Семинар-киңәшмә материаллары белән Дәүләт комитеты сайтында, Документлар > Белешмә-аналитик материаллар > Докладлар, презентацияләр, басмалар бүлегендә танышырга мөмкин.