Дәүләт комитеты җитәкчелеге тарифларның чик дәрәҗәләрен раслау мәсьәләсендә килештерү киңәшмәсендә катнашты

2015 елның 17 августында Татарстан Республикасы Тарифлар буенча дәүләт комитеты җитәкчелеге 2016 ел өчен электр энергиясенә карата чик дәрәҗәле тарифлар, аны тапшыру буенча хезмәтләргә һәм электр энергиясе җитештерүнең генерацияләү куәте 25 мегаватт һәм аннан да югары дәрәҗәдә билгеләнгән җылылык энергиясе чыганаклары тарафыннан электр һәм җылылык энергиясен катнаш эшләп чыгару тәртибендә җитештерелүче җылылык энергиясенә (куәтенә) тарифлар раслау мәсьәләсе буенча килештерү киңәшмәсендә катнашты. Киңәшмә Россиянең Монополиягә каршы федераль хезмәтендә узды.