2014 елда гражданнарның коммуналь хезмәтләр күрсәтүгә түләвен чикләү механизмнары турында хәбәр итәбез

2014 елның 1 июленнән, планда каралганча, коммуналь хезмәтләр күрсәтүгә тарифлар  үзгәрде. Татарстан Республикасында яшәүчеләр өчен коммуналь хезмәтләр күрсәтүгә тарифларның уртача үсеше түбәндәгечә:
* Электр уты белән тәэмин итү – 103,8%;
* Газ белән тәэмин итү  - 104,1%;
* Җылылык белән тәэмин итү  - 105,2%;
* Салкын су белән тәэмин итү – 102,1%;
* Ташландык суларны агызу – 103,4%.
Тарифлар РФ Хөкүмәте тарафыннан ил үсешенең социаль-икътисадый мониторинг фаразында хупланган параметрлар нигезендә, Федераль тарифлар хезмәте билгели торган чик күләмнәр кысаларында расланган.
Муниипаль берәмлекләр буенча җайга салынулы оешмалар буенча тарифлар Татарстан Республикасы Тарифлар буенча дәүләт комитеты карарлары нигезендә расланды. Бу карарлар белән “Тарифлар” бүлегендә (http://kt.tatarstan.ru/rus/info.php?id=116267) танышырга була.
Россия Федераиясе Хөкүмәтенең 30.04.2014 ел, №718-р боерыгы нигезендә, 2014 елның 1 июленнән Татарстан Республикасы буенча гражданнарның коммуналь хезмәтләр күрсәтүгә кертә торган түләве күләмен үзгәртүнең    уртача индексы 4,7 дәрәҗәсендә билгеләнде, 2014 елның 1 июленнән 2018 елга кадәр аерым муниципаль берәмлекләр буенча рөхсәт ителгән чик тайпылыш  - 2,4%.
2014-2018 елларга республика муниципаль берәмлекләрендә гражданнарның коммуналь хезмәтләр күрсәтүгә кертә торган түләве күләмен үзгәртүнең  чик (максималь) индекслары Татарстан Республикасы Министрлар Кабинетының 30.04.2014 ел, №283 карары белән (http://kt.tatarstan.ru/ rus/info.php?id=607547) билгеләнгән.
Шуны да билгеләп үтәргә кирәк: аерым муниципаль берәмлекләрдә түләүне максималь үзгәртү федераль дәрәҗәдә Федерация субъекты буенча билгеләнгән чикләүләрдән артып китәргә мөмкин. Конкрет муниципаль  берәмлекнең вәкиллекле җирле үзидарә органнары белән аны килештерү процедурасын уздырганнан соң әнә шундый карар кабул ителергә мөмкин.
Мәсәлән, Урыссу шәһәр тибындагы бистәсендә теркәлгән 10 561 кеше өчен (республика буенча өлеш – 0,28%) чик (максималь) индекс 21,5% күләмендә килештерелеп, Татарстан Республикасы Ютазы муниципаль берәмлегенең  вәкиллекле  җирле үзидарә органы белән килештерелде.
Гражданнарның түләвен үзгәртү ай саен алдагы елның декабренә карата коммуналь хезмәтләр күрсәтү җыелмасы һәм күләме нисбәтеннән чыгып исәпләнә.
Вакытыннан алдагы беренче чорда гражданнарның коммуналь хезмәтләр күрсәтүгә кертә торган түләү күләме 2014 елның 1 июленнән 2014 елның 30 декабренә кадәр ай саен 2014 елның июнендәге түләү белән чагыштырылырга тиеш.
Исәпләгеч приборлар куйган кулланучылар өчен хезмәт күрсәтүнең чагыштырма күләме соңгы ике елда уртача куллану күләменә тигез итеп алына.
Коммуналь хезмәтләр күрсәтү җыелмасы һәм куллануның чагыштырма күләме бер үк төрле булып та, түләүнең үсеше конкрет муниципаль берәмлек өчен билгеләнгән максималь үзгәртү индексыннан артып киткәндә, бу хәлне аңлатуларын сорап, идарәче компаниягә мөрәҗәгать итәргә кирәк.
Гражданнарның коммуналь хезмәтләр күрсәтүгә түләвен дөрес исәпләүгә Дәүләт торак инспекциясе (http://gji.tatarstan.ru/) контрольлек итә.
Тормышта иң мөһим хезмәтләрдән берсе буларак, коммуналь хезмәтләр күрсәтүдән һәркем файдалана алырга тиеш. Шуңа күрә, тарифларны дәүләти җайга салу, граданнарның коммуналь хезмәтләр күрсәтүгә түләвен чикләү һәм коммуналь предприятиеләрнең чыгымнары күләмен контрольдә тотудан тыш, аз керемле гаиләләргә адреслы социаль ярдәм чаралары күрсәтелеп килә. Гаиләнең җыелма керемендә яки ялгыз яшәүче гражданинның керемендә коммуналь чыгымнар 21% тан артып киткән очракта, адреслы субсидия рәсмиләштерү һәм ЖКУ өчен түләүдә дәүләттән ярдәм алу өчен, социаль яклау органнарына мөрәҗәгать итәргә була.