“Агропромпарк”тан “Казан” аэропортына кадәр яңа автобус маршруты ачылды

Татарстан башкаласында “Казан” агросәнәгать паркын  “Казан” халыкара аэропорты белән тоташтырган  №197 яңа автобус маршруты ачылды. Элекке №97 маршрут юкка чыгарылды, дип хәбәр итә Казан башкарма комитетының Транспорт комитеты.

№197 маршрутта җиде “Форд Транзит”  микроавтобусы йөриячәк. “Агропромпарк”тан беренче рейс – иртәнге 6:00 сәгатьтә, аэропорттан – 6:20 сәгатьтә. Автобуслар һәр көнне 20 минут саен йөреп торачак.

“Агропромпарк”тан аэропортка кадәр билет бәясе – 40 сум, “РКБ” тукталышыннан – 20 сум, дип хәбәр итә ТР Транспорт һәм юл хуҗалыгы министрлыгының матбугат хезмәте.

Тәфсиллерәк мәгълүмат белән түбәндәге адрес буенча танышырга була: http://www.temakazan.ru/news/transport/item/13208/