Татарстан Республикасы территориясендә “Таттелеком” ААҖ тарафыннан күрсәтелә торган электр элемтәсе хезмәтенә тарифлар расланды

Татарстан Республикасы Тарифлар буенча дәүләт комитеты юридик һәм физик затлар игътибарына шуны җиткерә: Россия Федераль тарифлар хезмәтенең 26 ноябрь, 2013 ел, №217-с/3 боерыгы нигезендә Татарстан Республикасы территориясендә “Таттелеком” ААҖ тарафыннан күрсәтелә торган электр элемтәсе хезмәтенә тарифлар расланды.

Әлеге тарифлар Татарстан Республикасы территориясендә (Казан шәһәреннән тыш) 2014 елның 1 мартыннан соң, Казан шәһәрендә 2014 елның 1 апреленнән соң кертелә.

Тарифларның күләме турында мәгълүмат Россия Федераль тарифлар хезмәтенең рәсми сайтына (www/fstrf.ru) һәм Дәүләт комитеты сайтына – www/kt.tatar.ru/Тарифлар бүлегенә урнаштырылган.