ТР Тарифлар буенча Дәүләт комитеты рәисе урынбасары Александр Штром эш визиты белән “Бөгелмә ПТС”АҖендә булды
Визит барышында ул предприятие эше, аның җитештерү күрсәткечләре һәм җылылык белән тәэмин итү өлкәсендә агымдагы проектларның гамәлгә ашырылуы белән танышты.
Бүген Бөгелмә ПТСында 34 котельный эшли. Ел саен җылылык энергиясен файдалы җибәрү 310 мең Гкал тәшкил итә. Предприятие 63 меңнән артык кешене җылылык белән тәэмин итә.
Ике торбалы исәпләүдә җылылык челтәрләренең озынлыгы - 155 км чамасы.
Предприятие инфраструктураны яңартуга, җылылык белән тәэмин итүнең ышанычлылыгын арттыруга һәм технологик югалтуларны киметүгә юнәлдерелгән инвестиция программасын тормышка ашыра.
Эш сәфәре вакытында Александр Штром Бөгелмәне җылылык белән тәэмин итү схемасын оптимальләштерү мәсьәләләре буенча киңәшмәдә катнашты. Эш Татарстан Республикасы Премьер-министры Алексей Песошинның дәүләт комитеты коллегиясенең йомгаклау утырышында бирелгән йөкләмәсе кысаларында алып барыла. Хәзерге вакытта шәһәрне җылылык белән тәэмин итүнең электрон схемасы эшләнә, бу тармакны планлаштыруның үтә күренмәлелеген һәм аның белән идарә итүнең нәтиҗәлелеген арттырырга мөмкинлек бирәчәк.