ТР Тарифлар буенча дәүләт комитеты рәисе урынбасары Әлмәт халкы сорауларына җавап бирде
Әлмәттә гражданнарны күчмә кабул итү булды, аны Татарстан Республикасы Тарифлар буенча дәүләт комитеты рәисе урынбасары Александр Штром һәм гражданнар мөрәҗәгатьләре белән эшләү бүлеге башлыгы Дмитрий Романов үткәрде.
Әлмәт һәм Әлмәт районында яшәүчеләр коммуналь хезмәтләр өчен түләүләрне исәпләү һәм гамәлдәге тарифлар, шулай ук хезмәтләрнең аерым төрләре буенча исәп-хисап һәм яңадан исәпләү тәртибе белән бәйле сораулар белән мөрәҗәгать иттеләр.
Кабул итү йомгаклары буенча барлык мөрәҗәгать итүчеләргә кирәкле аңлатмалар бирелде: мөрәҗәгатьләрнең бер өлеше урында каралды, берничә сорау эшкә алынды.
Эш сәфәре кысаларында Дәүләт комитеты вәкилләре шулай ук предприятие объектларының торышын һәм тарифларга салынган акчаларны файдалануны мониторинглау максатларында шәһәр халкын җылылык энергиясе белән төп тәэмин итүче «Әлмәт җылылык челтәрләре» АҖ объектларында булдылар.
Предприятиедә 16 котельный файдалануда, җылылык энергиясен файдалы җибәрү күләме 696 мең Гкал тәшкил итә. Хезмәт күрсәтелә торган халык саны 110 меңнән артык. Җылылык челтәрләренең озынлыгы ике торбалы исәпләүдә 209 км га җитә.
Моннан тыш, предприятие җылылык белән тәэмин итү объектларын үстерүгә һәм модернизацияләүгә юнәлдерелгән инвестиция программасын гамәлгә ашыра.
ТР Тарифлар буенча дәүләт комитеты күчмә кабул итүләр практикасын дәвам итә, халыкка тариф сәясәте мәсьәләләре буенча турыдан-туры ведомство белгечләреннән консультацияләр һәм аңлатмалар алу мөмкинлеген тәэмин итә.