7 февраль - Татарстан Республикасы Дәүләт гербы көне

2026 елның 7 феврале, шимбә

Татарстан Республикасының Дәүләт гербы 1992 елның 7 февралендә расланган һәм республика флагы төсләрендә эшләнгән.

• Гербның үзәгендә - канатлы барс, Татарстан халкының яклаучысы, көч, яклау һәм бөеклек символы
• Барс кызыл кояш диск фонында сурәтләнгән - бу тормыш, бәхет, уңыш һәм яхшы башлангыч билгесе.
• Күтәрелгән уң аягы - дәрәҗә һәм ышаныч ассызыклый торган традицион геральдик ишарә.
• Койрыкның торышы дустанәлек һәм игелеклелек символы булып тора.
• Барсның канатлары җиде каурыйдан, ә калкандагы розетка сигез таҗдан тора, бу гармонияне һәм тотрыклылыкны чагылдыра.
• Татар орнаменты һәм лалә чәчәге табигатьнең уянуын һәм республиканың яңадан торгызылуын гәүдәләндерә.

Татарстан Республикасы гербы - символ гына түгел, ә күпмилләтле халыкның тарихы, мәдәнияте һәм кыйммәтләренең чагылышы.

Бәйрәм белән!