ТР Дәүләт Советы Президиумы утырышында тарифларны җайга салуны цифрлаштыру һәм коммуналь хезмәтләргә тарифларны индексацияләү турында фикер алыштылар
Татарстан Республикасы Тарифлар буенча дәүләт комитеты рәисе Ренат Гайнетдинов Татарстан Республикасы Дәүләт Советы Президиумы утырышында чыгыш ясады. Фикер алышуның темасы тарифларны җайга салуны цифрлаштыру мәсьәләләре булды.
Үз чыгышында Ренат Гайнетдинов тарифларны җайга салуның бердәм мәгълүмати-аналитик системасын һәм «ПРАЙМ» төбәк модулен кертү турында сөйләде. Республиканың «Тариф» федераль системасын куллануга күчүенә аерым игътибар бирелде, ул Россиянең бөтен территориясендәге процессларны унификацияләргә мөмкинлек бирә.
Дәүләт комитеты рәисе шулай ук 2026 елда татарстанлыларга кагылачак тариф сәясәтендәге үзгәрешләр турында мәгълүмат бирде. Ул билгеләп үткәнчә, илнең барлык регионнарында, федераль законнар нигезендә, коммуналь хезмәтләргә тарифларны планлы индексацияләүнең ике этабы каралган: 1 гыйнвардан – өстәлгән бәягә салым ставкасының 20% тан 22% ка кадәр артуы һәм 1 октябрьдән – еллык индексацияне күчерү белән бәйле.
«Әлеге боерык нигезендә коммуналь хезмәтләр өчен түләү индексы үсеше буенча чик 1 гыйнвардан – 1,7 процент, ә 1 октябрьдән Татарстан өчен 13,4 процент тәшкил итәчәк», – дип аңлатты Ренат Гайнетдинов.
Ул шулай ук индекс кысаларында бер коммуналь хезмәткә тарифның икенчесенә караганда сизелерлек артырга мөмкинлегенә дә игътибар итте. Моннан тыш, аерым муниципалитетлар өчен мөмкин булган иң чик тайпылышны куллану мөмкинлеге бар, ул республика өчен 4,8 процент күләмендә билгеләнгән.
Фото: ТР Дәүләт Советы матбугат хезмәте