Батырлык мирасы: Геройларның хәтер стенасы батырлык тарихын саклауны дәвам итә
Ватанны саклаучылар елы кысаларында БӨЕК ВАТАН СУГЫШЫ ГЕРОЙЛАРЫНЫҢ ХӘТЕР СТЕНАСЫ проектын дәвам итәбез.
Бу рубрика безнең геройларыбыз — Бөек Ватан сугышы ветераннарына багышлана, аларның язмышлары илебез тарихына мәңгегә үрелгән. Без үз гомерләре һәм көче белән киләчәк буыннарга тыныч күк бүләк иткәннәрнең истәлеген саклыйбыз.
Бүген үзенең герое турында Анна Портнова, Татарстан Республикасы Тарифлар буенча дәүләт комитетының контроль-ревизия бүлегенең әйдәүче консультанты сөйли.
«Храмов Евгений Петрович 1916 елның 14 апрелендә Чкалов өлкәсендә, Орел шәһәрендә туган. Аның Җиңү юлы 1941 елның ноябрендә, Эссе-Күл РВК тарафыннан Кызыл Армия сафларына алынгач башлана.
Сержант Храмов сугыш башланганнан алып 1945 елның 9 маена кадәр уза. 44 нче артиллерия полкы һәм 49 нчы туп артиллерия бригадасы составында ул взвод командиры ярдәмчесе булып хезмәт итә, алгы рубежларда җаваплы хәрби бурычларны үти.
Күрсәткән батырлыгы һәм кыюлыгы өчен сержант югары дәүләт бүләкләренә лаек була: 2 нче дәрәҗә Ватан сугышы ордены, «Батырлык өчен», «Германияне җиңгән өчен» һәм «Будапештны алган өчен» медальләре ала. Бу бүләкләрнең һәрберсе –аның уртак Җиңүгә керткән шәхси өлеше.
Сугыштан соң Евгений Петрович хатыны һәм дүрт баласы белән Тәтеш шәһәренә күчеп китә, анда ул «Сельхозтехника»да башлык урынбасары булып эшли. Кичергән сынауларына карамастан, игелекле, хезмәт сөючән һәм якты шәхес булып кала. Сугыш турында, күп кенә фронтовиклар кебек үк, теләр-теләмәс кенә искә төшерә, авыр хатирәләренә әйләнеп кайтмаска тырыша.
Евгений Петрович 1995 елның 28 августында вафат була. Геройга якты истәлек!»