Батырлык мирасы: Геройларның хәтер стенасы батырлык тарихын саклауны дәвам итә
Ватанны саклаучылар елы кысаларында БӨЕК ВАТАН СУГЫШЫ ГЕРОЙЛАРЫНЫҢ ХӘТЕР СТЕНАСЫ проектын дәвам итәбез.
Бу рубрика безнең геройларыбыз — Бөек Ватан сугышы ветераннарына багышлана, аларның язмышлары илебез тарихына мәңгегә үрелгән. Без үз гомерләре һәм көче белән киләчәк буыннарга тыныч күк бүләк иткәннәрнең истәлеген саклыйбыз.
Бүген үзенең герое турында Альбина Вәлитова, Татарстан Республикасы Тарифлар буенча дәүләт комитеты рәисе ярдәмчесе сөйли.
«Вахитов Хәйрулла Шакир улы 1909 елның 27 мартында Буа өязенең Полевые Бикшики авылында туа. Аның яшьлеге катлаулы вакытларга туры килә: әти-әнисен сөргәннән соң ул Сурхандәрья өлкәсенең (Үзбәкстан) Шурга районына китәргә мәҗбүр була, анда 1936 елдан 1941 елга кадәр Сталин исемендәге колхозда хисапчы булып эшли.
Бөек Ватан сугышы башлангач, Хәйрулла Шакирович фронтка алына. 1 нче Украина фронтының 514 нче укчы полкы составында ул, сугыш юлының иң авыр участокларын узып, минометчы булып сугышкан.
Сугыш кырында күрсәткән батырлыгы һәм бурычына тугрылыгы өчен Хәйрулла Шакирович «Батырлык өчен» медале, «Праганы азат иткән өчен» медале, «Германияне җиңгән өчен» медале һәм Бөек Ватан сугышы ордены белән бүләкләнә.
Сугыштан соң язмыш аңа авыр сынау әзерләп куя - өйгә матәм кәгазе килә. Ләкин хатыны коточкыч хатка ышанмаган һәм көтүен дәвам иткән. Ул хаклы булып чыга: Хәйрулла Шакир улы каты яралана, ләкин исән кала. Үзенең яралануы турында ул беркайчан да сөйләмәде һәм хәтта инвалидлык буенча пенсия дә рәсмиләштермәде — аның характеры шундый көчле һәм тыйнак иде.
Хәйрулла Шакир улы 1994 елда вафат булды, үзеннән соң якты истәлек калдырды. Гаиләдә аның күпсанлы юбилей бүләкләре һәм сугыш чоры документлары саклана».