Батырлык мирасы: Геройларның хәтер стенасы батырлык тарихын саклауны дәвам итә
Ватанны саклаучылар елы кысаларында БӨЕК ВАТАН СУГЫШЫ ГЕРОЙЛАРЫНЫҢ ХӘТЕР СТЕНАСЫ проектын дәвам итәбез
Бу рубрика язмышлары илебез тарихы белән мәңгегә бәйләнгән геройларыбыз — Бөек Ватан сугышы ветераннарына багышлана. Монда без тынычлык һәм киләчәк буыннар азатлыгы өчен үз гомерләрен биргән кешеләрнең истәлеген саклыйбыз. Бүген үзенең бабасы турында Дәүләт комитетының сәнәгать булмаган тарифлар бүлегенең әйдәп баручы киңәшчесе Диана Хәмзина сөйләячәк.
«Бөек Ватан сугышы минем гаилә тарихында онытылмас эз калдырды. Мин ул дәһшәтле елларда ныклык һәм каһарманлык үрнәге булган әбиемнең тарихы белән уртаклашырга телим.
Туйбахтина Зөләйха Исмәгыйль кызы 1923 елның 20 гыйнварында туган. 1943 елның августында Кызыл Армиягә алына. Укыту полкында әзерләнгәннән соң аны I Украина фронтына җибәрәләр, анда ул 45504 нче хәрби часть составында бронетанк часте санинструкторы була.
Ут астында, гомерен куркыныч астына куеп, ул сугыш юллары буйлап Украина, Польша һәм Германия аша уза, яраланган солдатларны коткара. Җиңү көне аны туган йортыннан еракта, ләкин Берлин янында – озак көтелгән триумф символы янында куып тота. Күрсәткән батырлыгы һәм фидакарьлеге өчен әбием Ватан сугышы ордены һәм «1941-1945 еллар Бөек Ватан сугышында Германияне җиңгән өчен» медале белән бүләкләнә.
Тыныч вакытта ул, фронттан кайткач, сәгать заводына эшкә урнаша. Җыючы булып эшли башлагач, хезмәт сөючәнлеге һәм үҗәтлеге аркасында, ул 10 нчы цехта мастер вазыйфасына ирешә, ә аннары ышанычлылык лабораториясендә 6 нчы разрядлы сәгатьче-механик була. Эштән тыш, әби җәмәгать тормышында актив катнаша, профсоюз комитеты әгъзасы итеп сайлана, хезмәттәшләренең хокукларын һәм мәнфәгатьләрен яклый.
Аны көчле, игелекле һәм гадел хатын-кыз буларак хәтерлиләр, ул сугыш һәм тыныч тормышның авыр сынауларын намус белән узган. Аның турындагы истәлек – фронттагы батырлык тарихы гына түгел, ә хезмәт сөючәнлек, ныклык һәм тирә-юньдәгеләрнең язмышына битараф булмау үрнәге дә ул».