Батырлык мирасы: Геройларның хәтер стенасы батырлык тарихын саклауны дәвам итә
Ватанны саклаучылар елы кысаларында БӨЕК ВАТАН СУГЫШЫ ГЕРОЙЛАРЫНЫҢ ХӘТЕР СТЕНАСЫ проектын дәвам итәбез.
Бу рубрика язмышлары илебез тарихы белән мәңгегә бәйләнгән геройларыбыз — Бөек Ватан сугышы ветераннарына багышлана. Монда без тынычлык һәм киләчәк буыннар азатлыгы өчен үз гомерләрен биргән кешеләрнең истәлеген саклыйбыз. Бүген технологик тоташтыру өчен түләүне көйләү һәм контрольдә тоту бүлегенең әйдәп баручы киңәшчесе Миңнеханова Алия үз герое турында сөйләячәк.
"Минем карт бабам, Миңнеханов Зәкиҗан Сабирҗан улы, 1916 елда Татарстан АССРның Баулы районы Ютазы авылында туа. Аның яшьлеге катлаулы чорга, ә җитлеккәнлек чоры Бөек Ватан сугышы елларына туры килә.
Бөтен ил Ватанны яклап чыккан кырыс елларда Зәкиҗан Сабирҗан улы да читтә калмаган. Ул чын каһарманга лаеклы батырлык һәм чыдамлык күрсәтеп, дошманга каршы батырларча көрәшкән.
Еллар узгач, 1985 елда, карт бабамның батырлыклары югары бүләк – I дәрәҗә Ватан сугышы ордены белән билгеләп үтелә. Бу бүләк – аның батырлыгын, кыюлыгын һәм Ватанга тугрылыгын күрсәтә.
Минем бабамның тормышы – батырлык, ныклык һәм үз иленә мәхәббәт үрнәге. Аның турындагы истәлек минем гаиләмдә мәңге яшәячәк, буыннан-буынга күчәчәк".