Батырлык мирасы: Геройларның хәтер стенасы батырлык тарихын саклауны дәвам итә
Ватанны саклаучылар елы кысаларында БӨЕК ВАТАН СУГЫШЫ ГЕРОЙЛАРЫНЫҢ ХӘТЕР СТЕНАСЫ проектын дәвам итәбез.
Бу рубрика язмышлары илебез тарихы белән мәңгегә бәйләнгән геройларыбыз — Бөек Ватан сугышы ветераннарына багышлана. Монда без тынычлык һәм киләчәк буыннар азатлыгы өчен үз гомерләрен биргән кешеләрнең истәлеген саклыйбыз. Бүген үз герое турында Дәүләт комитетының җыелма-аналитик бүлегенең өлкән белгече Безносова Ольга сөйләячәк.
«Вакыт әкренләп хәтердән Бөек Ватан сугышы геройлары турындагы нечкәлекләрне җуя бара, әмма безнең гаиләдә без бабабыз турындагы һәр истәлекне сакларга һәм буыннан-буынга тапшырырга тырышабыз.
Макаров Геннадий Иванович, Удмуртиянең Сөмсә районы Полянка авылында туган. Гаилә альбомында 1934 елгы фотография саклана - анда ул әле яшь, тормышка өметләр һәм планнар белән тулы. Ул вакытта ул, күпләр кебек үк, үз өлешенә нинди авыр сынаулар төшәчәген күз алдына да китерә алмагандыр.
1942 елда бабама өйне калдырып, фронтка китәргә туры килә. Ул гвардия рядовое булып хезмәт итә, Ватанны саклап, намуслы һәм курыкмыйча сугыша. Аның сугышчан юлы 1943 елның 7 маенда өзелә.
Геннадий Иванович Украина ССРның Харьков өлкәсе Тарановка авылында җирләнгән. Аның исеме «Удмурт Республикасы Хәтер Китабында» мәңгеләштерелгән.
Минем өчен аның турында истәлекне саклау – зур дәрәҗә. Аның язмышында бөтен ил тарихы, батырлык һәм ныклык тарихы чагыла. Без хәтерлибез икән – геройлар исән».