Суүткәргечкә һәм канализациягә ничек дөрес тоташырга? Моны белү мөһим!
Хөрмәтле дуслар!
Суүткәргечкә һәм канализациягә бары тик Татарстан Республикасы Тарифлар буенча дәүләт комитеты раслаган рәсми тарифлар буенча гына тоташырга мөмкин. Үз белдегең белән тоташтыру законны боза, җаваплылыкка тартуга китерә, шулай ук эчә торган суны контрольсез куллануга, челтәрләрнең гидравлик режимын бозуга китерә, шулай ук хезмәтләрне намуслы кулланучыларны су белән тәэмин итү сыйфатын начарайтырга мөмкин.
Технологик тоташтыру нәрсә ул?
Бу сезнең йортыгызны үзәкләштерелгән су белән тәэмин итүгә һәм канализациягә рәсми тоташтыру, дигән сүз. Бу процесс берничә этаптан тора: техник шартлар алу; проект эшләү; төзелеш эшләрен башкару; эксплуатациягә кертү.
Тоташтыру ноктасы кайда булачак?
Шәхси йорт өчен: сезнең җир кишәрлеге чигендә.
Күпфатирлы йорт өчен: мондый күпфатирлы йортта урнашкан инженер-техник челтәрләр чигендә (күпфатирлы йортның тышкы стенасы буенча).
Тарифларны кем билгели?
Татарстан Республикасы Тарифлар буенча дәүләт комитеты ел саен республиканың су белән тәэмин итү һәм (яисә) су агызу хезмәтләрен күрсәтүче барлык оешмалары өчен ставкалар раслый. 2025 елга 110 оешма өчен тарифлар расланды. 2026 елга тарифлар якын арада расланачак.
Барлык тарифларны сайтта табарга мөмкин: https://kt.tatarstan.ru/ntarif.htm
Бәясе ничек исәпләнә?
Тоташтыру бәясе расланган тарифларга һәм тоташтырыла торган йөкләнешкә (сезгә кирәк булган су күләменә) бәйле.
Тоташтыру тәртибе:
1. Ресурслар белән тәэмин итүче оешмага мөрәҗәгать итегез.
2. Тоташуга рәсми килешү төзегез. Шартнамәдә нинди эшләр башкарылачагы, башкару сроклары, түләү бәясе һәм тәртибе, якларның җаваплылыгы күрсәтеләчәк.
Эшне кем башкара?
Су белән тәэмин итү һәм (яисә) су агызу хезмәтләрен күрсәтүче оешма барлык комплекслы эшләрне башкарачак: техник шартлар бирә, төзелеш-монтаж эшләрен башкара, объектны файдалануга тапшыра.
Махсус очраклар:
Индивидуаль тариф билгеләнә, әгәр:
- сезгә тәүлегенә 50 куб метрдан артык су кирәк булса;
- диаметры 250 мм зуррак булган торбалар таләп ителсә;
- гамәлдәге челтәрләрне реконструкцияләү яки модернизацияләү таләп ителсә.
Законнарда тоташтыруга ташламалы тарифлар каралмаган.
Уңайлы булсын өчен, барлык мөһим мәгълүматны карточкаларга җыйдык.