Белем көне белән!
Хөрмәтле дуслар! Сезне Белем көне белән котлыйбыз!
Беренче сентябрь – белем һәм яңа мөмкинлекләр дөньясына юл ача торган үзенчәлекле бәйрәм. Бүген кемгәдер беренче мәктәп кыңгыравы яңгырады, ә кемгәдер мәктәп тормышының финал бите ачылды.
Мәгариф – ул һәр кешенең һәм бөтен җәмгыятьнең киләчәге нигезе. Бүгенге укучылар һәм студентлар – фән, технология һәм мәдәниятне алга этәрүче булачак белгечләр.
Татарстан Республикасы Рәисе Рөстәм Миңнехановның инициативасы һәм шәхси контроле нәтиҗәсендә республикада ел саен яңа заманча мәктәпләр ачыла. Узган ел 11 мәгариф учреждениесе үз ишекләрен ачты, 2025 елда 5 мәктәп һәм гамәлдәге мәктәпләргә өстәмә 3 корпус төзү каралган. Дәүләт комитеты бу мөһим процесска үз өлешен кертте, яңа объектларны инженерлык челтәрләренә тоташтыру өчен түләүне вакытында билгеләүне тәэмин итте.
Укучыларга һәм студентларга белем дөньясына мавыктыргыч сәяхәт, педагогларга иҗади илһам, ә ата-аналарга балалары өчен горурлык телибез!