Татарстан һәм Самара өлкәсе тарифларны җайга салу өлкәсендә регионара хезмәттәшлекне ныгыта
Татарстан Республикасы Тарифлар буенча дәүләт комитеты рәисе Александр Груничев ике регион арасында сәүдә-икътисадый, фәнни-техник, социаль һәм мәдәни хезмәттәшлек турындагы килешүне гамәлгә ашыру кысаларында Самара өлкәсендә рәсми эш визиты белән.
«Якын чит илләр һәм Россия регионнары белән икътисадый һәм мәдәни партнерлыкны ныгыту өстенлекле юнәлешләрнең берсе булып тора», - дип ассызыклады Татарстан Рәисе Рөстәм Миңнеханов.
Бүген Самара өлкәсенең бәя һәм тарифларны җайга салу комитеты җитәкчесе вазыйфаларын вакытлыча башкаручы Алена Гаршина белән очрашу булды. Эшлекле очрашу Идел буе федераль округында бердәм тариф сәясәтен формалаштыру контекстында аерым әһәмияткә ия.
Конструктив диалог барышында регионнар вәкилләре, тарифларны җайга салу процессына цифрлы технологияләр кертүдән алып газлаштыру программасын гамәлгә ашыруга һәм газ транспортировкасына тарифларга махсус өстәмә билгеләүгә кадәр, актуаль мәсьәләләрнең киң спектры турында фикер алыштылар.
Коммуналь инфраструктураны кирәкле модернизацияләү шартларында кулланучылар һәм ресурслар белән тәэмин итүче оешмалар мәнфәгатьләрен баланслауга аерым игътибар бирелде. Ирешелгән килешүләр тарифларны җайга салу өлкәсендә уртак проектлар өчен яңа мөмкинлекләр ача.