Татарстан ККК буенча VII Бөтенроссия конференциясен кабул итәргә әзерләнә
Татарстанда экологик көн тәртибе регион үсешенең стратегик приоритетлары арасында Рәис Рөстәм Миңнехановның шәхси өлеше һәм системалы эше нәтиҗәсендә ныклап теркәлде.
Җитештерү үсүгә карамастан, республиканың һавасы һәм су артерияләре чистарды. Регионда шәһәр һәм авыл территорияләренең экологик "яшел" каркасын формалаштыруга аерым игътибар бирелә. Паркларны, ишегалларын һәм җәмәгать урыннарын төзекләндерү яшәү уңайлылыгын арттырып кына калмый, ә республика халкы өчен уңайлы экологик мохит тә тудыра.
Каты коммуналь калдыклар белән эш итү системасына аерым игътибар бирелә. Бу юнәлеш каты көнкүреш калдыкларын җыю, туплау һәм эшкәртү инфраструктурасын яңартуны үз эченә алган катлаулы эшне таләп итә.
ККК белән эш итүнең актуаль мәсьәләләре 21 һәм 22 августта Әлмәттә һәм Казанда узачак "КАТЫ КОММУНАЛЬ КАЛДЫКЛАР: ЗАКОННАР ҺӘМ ПРАКТИКА" Бөтенроссия конференциясенең төп темасы булачак. Бу инде ел саен уздырыла торган конференциянең 7се, ул һөнәри диалог өчен мәйданчык булды.
Киң колачлы чарага Россия Монополиягә каршы федераль хезмәтеннән, Россия Табигать министрлыгыннан, РФ субъектларының тарифларны җайга салу органнарыннан, шулай ук төбәк операторларыннан, фәнни җәмәгатьчелек вәкилләреннән тармакның әйдәп баручы экспертлары җыелачак.