Дәүләт комитеты хезмәткәрләре транспорт предприятиеләренә күчмә мониторинг уздырды
Дәүләт комитеты хезмәткәрләре Казанда «Метроэлектротранс» МУП һәм «ПАТП №2» МУП, шулай ук Чаллыда «Горкоммунхоз» МУП транспорт предприятиеләренең эшчәнлеген бәяләү һәм билгеләнгән нормативларга һәм тариф таләпләренә туры килү максатында күчмә мониторинг үткәрделәр.
Мониторинг барышында түбәндәге юнәлешләргә аерым игътибар бирелде:
- автопаркның техник торышы, кирәкле документациянең булуы, тышкы кыяфәте һәм транспортка хезмәт күрсәтү;
- административ биналарның эшен оештыру, диспетчерлык хезмәтләренең эше, хезмәт шартлары;
- ремонт фондыннан файдалану - остаханәләрне җиһазландыру, запас частьләрне исәпкә алу, башкарыла торган ремонт эшләре күләме.
Күчмә мониторинг нәтиҗәләре җайга салу вакытында исәпкә алыначак. Транспорт предприятиеләренә чыгулар расланган график буенча башкарылачак.