Гаилә, мәхәббәт һәм тугрылык көне белән!
Хөрмәтле Татарстан халкы!
Татарстан Республикасы Тарифлар буенча дәүләт комитеты Гаилә, мәхәббәт һәм тугрылык көне белән котлый! Бу искиткеч бәйрәм безгә гаилә кыйммәтләренең мөһимлеген - мәхәббәтне, тугрылыкны, үзара аңлашуны һәм якыннарыбызның ярдәмен искә төшерә. Нык һәм тату гаилә - безнең һәрберебез өчен чын байлык һәм рухи көч чыганагы ул.
Татарстан Республикасы Рәисе Рөстәм Миңнеханов билгеләп үткәнчә: «Гаилә – ул безнең күпмилләтле дәүләтебезнең нигезе, ышанычлы тыл һәм кеше өчен таяныч. Ул безгә авыр минутларда көч бирә, үз-үзебезгә ышанырга өйрәтә, буыннар дәвамчанлыгын саклый».
Без гаилә кыйммәтләренә һәм традицияләренә аерым хөрмәт белән карыйбыз. Без үз гаиләләренең гореф-гадәтләрен саклаучы, һөнәри эшчәнлекләрен балалар тәрбияләү һәм өлкән буын турында кайгырту белән уңышлы алып баручы хезмәткәрләребез белән горурланабыз. Коллективта даими рәвештә буыннар дәвамчанлыгына ярдәм итүче гаилә чаралары уздырабыз.
Бу якты бәйрәм көнендә республикабызның барлык гаиләләренә ныклы сәламәтлек, бәхет һәм иминлек телибез!
Үзебезнең телеграм-каналда викторинада катнашырга чакырабыз