Дәүләт комитеты Бөек Ватан сугышында катнашучыларның шигырьләр җыентыгының икенче басмасын чыгарырга әзерли

2025 елның 28 гыйнвары, сишәмбе

Бөек Ватан сугышында Җиңүнең 80 еллыгы алдыннан һәм Ватанны саклаучылар елы кысаларында Татарстан Республикасы Тарифлар буенча дәүләт комитеты Бөек Ватан сугышы ветераннарының шигырьләр җыентыгын бастырып чыгарырга ниятли.

Икенче шигырьләр җыентыгын чыгару өчен Дәүләт комитеты сугыш елларында катнашучыларның һәм шаһитларның материалларын, истәлекләрен, шигырьләрен, фотосурәтләрен кабул итә.

Фронтовиклар, тыл хезмәтчәннәре, сугыш геройлары шигырьләрен түбәндәге адрес буенча көтәбез:

420015, Казан ш., Карл Маркс ур., 66 йорт, «Шигырьләр җыентыгы өчен» тамгасы белән.

Электрон почта: kt@tatar.ru

Элемтә өчен телефон: (843) 221-82-18.