Сергей Павлов эш визиты белән Чирмешән районында булды
Эш сәфәре барышында ТР Тарифлар буенча дәүләт комитеты рәисе урынбасары Сергей Павлов Чирмешән муниципаль районы башлыгы Рамил Әйбәтов катнашында догазификация программасын гамәлгә ашыруның барышы турында киңәшмә үткәрде, анда төзелгән килешүләр һәм проблемалы мәсьәләләр буенча йөкләмәләр үтәлеше турында фикер алыштылар.
Белешмә: Татарстан Республикасының Чирмешән муниципаль районы (элекке Первомайский районы) республиканың көньягында урнашкан. 1930 елның сентябрендә оештырыла. 1965 елның 12 гыйнварыннан – Чирмешән районы. Районның табигый-чимал запаслары, икътисадый, кадрлар һәм мәдәни потенциалы зур, уңайлы географик урыны бар, иң якын тимер юл станциясе – Шентала (25 км).
Район үзәге – Чирмешән авылы – Казан шәһәре – республика үзәгеннән 251 км ераклыкта урнашкан. Район территориясенең мәйданы 1364,3 кв. км тәшкил итә (Татарстан Республикасы мәйданының 2,01%ы), шул исәптән район үзәге мәйданы – 14,6 кв. км.
Шуннан соң торак-коммуналь өлкәгә караган объектларны карадылар. «Чирмешән районы коммуналь челтәрләре» МУП директоры Илнар Җамалетдинов катнашында Чирмешән авылының көньяк-көнчыгыш өлешендәге 3 нче һәм көньяк өлешендәге 5 нче сважиналарда булдылар. Сөйләшү вакытында бүгенге көндә булган күп проблемалар турында сөйләштеләр.
Белешмә өчен: Предприятие балансында 45,4 км суүткәргеч челтәр бар, шуларның 10,7 км – этем өлеше, 34,7 км – үзлектән агу челтәрләре. Халыкны, предприятиеләрне һәм оешмаларны су белән тәэмин итү өчен 4 скважина һәм торак пункттан төньяк-көнчыгышка таба 1,5 км ераклыкта урнашкан капитажлы чишмә кулланыла. Чишмәдә су тоткычлар урнаштырылган, аннан су каптаж коесына керә. Коедан су насослар белән җир асты саклагычларына һәм Рожнов су манараларына 750 м күләмендә бирелә. Савытлардагы су район үзәгенә үзлектән агып бирелә.
Су алу җайланмасы 1966 елда төзелгән һәм файдалануга тапшырылган. Туплау савытларыннан булган аралык 2,5 километр. Насос станциясенә дүрт оператор хезмәт күрсәтә, скважиналар автоматик режимда эшли.
Сергей Павлов Чирмешән ККК полигонында чүп җыю тәртибе белән танышты һәм кызыксынды. Район территориясендә каты коммуналь калдыклар белән эш итү өлкәсендәге эшчәнлекне «Чиста шәһәр» ҖЧҖ башкара. Аннары предприятие эшчәнлегендә тарифлар билгеләү мәсьәләләре буенча киңәшмә үткәрделәр.
Шулай ук Чирмешән районы башкарма комитетының беренче урынбасары озатуында каптажланган чишмәне һәм төньяк-көнбатыш өлешендә зур КНС карадылар.
Шунысын да билгеләп үтәргә кирәк, гражданнарны күчмә кабул итүләр Дәүләт комитеты җитәкчелеге тарафыннан даими үткәрелә һәм тарифлар буенча халыкның сорауларына оператив рәвештә җавап бирергә мөмкинлек бирә.
Коммуналь инфраструктура объектларының күчмә мониторингы нәтиҗәләре 2025 елга тариф карарларын кабул иткәндә Дәүләт комитеты экспертлары тарафыннан исәпкә алыначак.