Дәүләт комитеты тарафыннан «Водоканал» МУП инвестиция программасы үтәлешенә күчмә мониторинг үткәрелде
ТР Тарифлар буенча дәүләт комитеты экспертлары Казан шәһәренең «Водоканал» МУП су белән тәэмин итү өлкәсендә инвестиция программасы үтәлешенә чираттагы мониторинг үткәрделәр һәм су агызу һәм су белән тәэмин итү буенча түбәндәге объектларны реконструкцияләү эшләренең барышы белән таныштылар:
- Кызыл Позиция урамыннан Гадел Кутуй урамына кадәр суүткәргеч участогын реконструкцияләү.
Гомуми озынлыгы 642 погон метрын тәшкил итә, полиэтилен суүткәргечнең диаметры 630 мм. 75% яки 504 метр торба салынган. Яңасына диаметры 300 мм булган өстәмә торбаны планлаштырылмаган рәвештә кертү сәбәпле, 1,2 суүткәргеч камерасын 1,5 м киңәйтергә туры килгән. Кызыл Позиция урамыннан тимер юл аша җәяүлеләр кичүенә кадәр 130 метр ераклыктагы участокта пилот бораулау үткәрелгән. Каналны киңәйткәннән соң, 800 мм торбалы футляр тарттырылачак, аннан соң диаметры 630 мм булган суүткәргеч торба узачак. Тимер юл аша җәяүлеләр кичүе янында 20 м. соңгы участокта ачык ысул белән эшләү планлаштырыла.
- Окраинная урамында «2-нче күтәрелеш» ВНС буенча Магазинная урамына кадәр суүткәргеч участогын реконструкцияләү.
Күп кенә ачыкланган коммуникацияләр аркасында объектның озынлыгы 1266 метрдан 1670 метрга кадәр арта. ГНБ ысулы белән диаметры 400 мм булган 1500 м (90%) полиэтилен торба салынган. Ленин һәм Красиков урамнары киселешендә урнашкан 12 һәм 13 нче суүткәргеч камералар арасында 52 м. эшләр ачык ысул белән башкарылачак. Бу юл чатында күп санлы машиналар йөри, шуңа күрә аны өлешчә ябу һәм торбаны кисәкләр белән җәю мәсьәләсе карала.
ВК-6ПГ камерасында төзекләндерү башлана – җәмәгать транспорты тукталышы урнаштырыла, аның янында тротуарга һәм юл өлешенә асфальт салына. Эшләрне башкару вакыты топосъемкада булмаган күп санлы коммуникацияләр, технологик тынлык режимнары, шулай ук сибелүчән комлы туфрак белән эшләү сәбәпле озакка сузыла.
Җайга салу органы оешманың инвестиция проектларын гамәлгә ашыру срокларын үтәвенең мөһимлеген билгеләп үтте.