ТР Тарифлар буенча дәүләт комитеты тарифларны җайга салу өлкәсендә 13 дәүләт хезмәтен күрсәтә

ТР Тарифлар буенча дәүләт комитеты тарифларны җайга салу өлкәсендә 13 дәүләт хезмәтен күрсәтә. Мондый хезмәтләрнең берсе – «Электр энергетикасында бәяләр (тарифлар) билгеләү, гарантияле тәэмин итүчеләрнең сату өстәмәләрен билгеләү».

Хезмәт күрсәтү тәртибе Дәүләт комитетының 15.08.2022 ел, № 554/2022 боерыгы  белән расланган Административ регламентта (алга таба – Административ регламент) билгеләнгән. Дәүләт хезмәте күрсәтү тәртибе турындагы мәгълүмат Дәүләт комитетының рәсми сайтында (kt.tatarstan.ru) һәм Татарстан Республикасы дәүләт һәм муниципаль хезмәтләр күрсәтү порталында (uslugi.tatarstan.ru) Татарстан Республикасы дәүләт телләрендә  урнаштырылган.

Мөрәҗәгать итүчеләр булып түбәндәгеләр тора:

- милек хокукында яки башка законлы нигездә электр челтәре хуҗалыгы объектларына ия булган территориаль челтәр оешмалары;

- Татарстан Республикасы территориясендә җайга салынулы эшчәнлекне гамәлгә ашыручы электр энергиясен гарантияле төстә җибәрүчеләр.

Хезмәт күрсәтү вакыты:

 - бәяләр (тарифлар) билгеләнә торган чираттагы хисап чоры башланачак чор алдыннан килгән елның 20 декабреннән соңга калмыйча;

- үзләренә карата элегрәк тарифлар дәүләт тарафыннан җайга салынмаган оешмалар өчен бәяләр (тарифлар) нигезли торган материаллар Дәүләт комитетына тулы күләмендә алынган датадан башлап 30 көн эчендә билгеләнә. Дәүләт комитеты карары буенча әлеге срок 30 көнгә озайтылырга мөмкин.

Хезмәт өчен кирәкле документлар:

- бәяләрне (тарифларны) һәм (яки) аларның чик дәрәҗәләрен билгеләү турында гариза;

- кирәкле нигезләү материаллары (электр энергиясе балансы; электр егәрлеге балансы, шул исәптән билгеләнгән, урнашкан һәм эш генерациясе турында мәгълүмат; бухгалтерлык һәм статистик хисаплар һәм башкалар.).

Административ регламентта нигезләү материалларының тулы исемлеге тәкъдим ителгән. Гариза һәм нигезләү материаллары тарифларны көйләү законнары белән билгеләнгән таләпләргә туры килергә һәм оешманың белдерелгән таләпләрен расларга тиеш.

Хезмәт түләүсез нигездә күрсәтелә.

Хезмәт күрсәтү нәтиҗәсе: Электр энергетикасында җайга салынулы бәяләр (тарифлар) билгеләү яки бәяләр (тарифлар) билгеләү турындагы эшне ачудан баш тарту турында карар.

Дәүләт комитетының дәүләт хезмәте күрсәтү өчен җаваплы булган структур бүлекчәсе:  Электр энергиясе тарифларын җайга салу һәм контрольдә тоту бүлеге.