РФ Хөкүмәте концессион килешүләр төзү тәртибендә кайбер нигезләмәләрне үзгәртергә тәкъдим иткән
Хөкүмәт утырышында коммуналь оешмаларга карата яңа таләпләр билгеләү турында фикер алышканнар. Хөкүмәт концессион килешүләр төзү тәртибендә кайбер нигезләмәләрне үзгәртергә тәкъдим иткән. Алар өстенлекле өлкәләрдә, мәсәлән, коммуналь инфраструктураны яңартуда дәүләт-шәхси партнерлык проектларында кулланыла, дип хәбәр итә Россия Хөкүмәте матбугат хезмәте.
Хәзер конкурста катнашучы компанияләр, җылылык һәм су белән тәэмин итү, шулай ук ташландык суларны агызу объектлары белән идарә итүгә дәгъва итүче компанияләр, мондый инфраструктура һәм системаларны эксплуатацияләүдә тәҗрибә һәм компетенцияләр булуны расларга, шулай ук, акчаның бер өлешен мәҗбүри биреп, финанс тотрыклылыгын расларга тиеш.
«Мондый яңалыклар кешеләргә торак-коммуналь хезмәтләрне сыйфатлы һәм өзлексез күрсәтүне тәэмин итә алырлык ышанычлы инвесторларны күбрәк җәлеп итәчәк», – дип ассызыклаган Михаил Мишустин.